Part 1

Part 2

又係周星馳 (按﹕周星馳電影系列唔講佢講咩？)，今次講兩套以佢在官場經歷 (或者係公堂) 為題的電影，分別是 《審死官》和《九品芝麻官之白面包青天》。

《審死官》，1992年的電影，由杜琪峯執導，周星馳扮演狀師宋世傑，戲內其他角色包括已故的梅豔芳 (飾宋世傑夫人)、吳孟達 (飾廣州知縣何汝大)、吳嘉麗 (飾楊秀珍) 及秦沛 (飾八府巡按) ，而《九品芝麻官之白面包青天》則是1994年的電影，由王晶執導，周星馳的角色為包龍星，聯同已故的吳孟達 (飾包有為)、張敏 (飾戚秦氏)、徐錦江 (飾雷豹)、鄒兆龍 (飾常威) 、黃一山 (飾同治皇帝)及苑瓊丹 (飾三姑) 等人攜手演出。兩套電影，都以清朝為背景，公堂對簿為題，具體劇情唔多介紹，未睇過的朋友得閒去睇下，睇過的朋友不妨一睇再睇。

兩套電影都有唔少笑位，娛樂性十足，尤其《九品芝麻官之白面包青天》笑位就更多。不過細味之下，《審死官》係比較發人深省，宋世傑在戲內係個金牙大狀，由他辯護的犯人，那怕本來有罪，最後都一定獲判無罪，佢亦自然因此賺得盤滿砵滿，在呢種人設下，宋世傑好多時要爭昧着良心去打官司，那怕客人本是罪有應得，但受人錢財替人消災，都要盡力替對方脫罪。亦可能因為咁而作孽太多，宋世傑夫婦雖然有很多孩子，卻無一個能夠養大，全部早早夭折，難道真係有報應？ 而宋世傑又是否真係一個為咗錢，而放棄良心之人？

除此之外，戲內好多場口，都深諳人與人相處之道，例如宋世傑與何汝大初次見面，彼此熱情客套，大有相見恨晚之感，實際上兩人早已在背後暗地交手，恨不得早日擊潰對手。呢種職場上相見時的客套表現，可能好多人覺得虛偽，不屑為之，不過呢種禮儀又確實係必需，因為今日職場上的對手，他日可能係你拍檔，甚至重要的客人，今日的關係只係一時而不是永恆，所謂今日留一線，日後好相見。

唔多廢話，都係果句，更多精彩內容，請聽今集。

相關節目﹕

周星馳電影前奏曲

論盡周星馳 (1)

論盡周星馳 (2)

Error 的演出，一向生鬼搞笑，而當 Error 加埋靈異題材，又會產生咩化學反應呢？

在電視內見到 Error 演出，相信大家都睇唔少，今次佢哋首次登上大銀幕，踏入電影世界，扮演一班專查靈異事件的偵探，那怕是首次跳出公仔箱，佢哋的表現保持水準之餘，甚至有令人驚喜，例如梁業 (肥仔) 就好搶戲，在戲內擔當領袖嘅佢，情感切換做到非常自如，由嚴肅過渡到搞笑，再到搞笑去返嚴肅，每種場口的情感切換，佢都演繹的自然流暢。

《 陰目偵信 》 作為港產搞笑的靈異電影，令人睇得開心過癮之餘，亦有令人反思的場口，例如何啟華 (阿Dee) 面對工作的態度，更精準一點係佢面對人生的態度，到底係水流柴咁過，定係有目標地去奮鬥，搵到適合自己的戰場，這些問題，好多時係大家日常生活中都會遇到。因此一路睇一路笑之餘，同時會引領到大家去反思下人生。

Error 四子作為主演，自然搶戲，至於戲內其他演員，同樣出色，例如演紙紮佬的葛民輝入型入格，似足一個老叔父，知道自己的本份，唔會插手處理唔到的事，但後輩出問題時，絕唔會見死不救。當然，最驚喜的是「刀郎」，又幾驚喜，就留返大家入場慢慢睇。

更多關於對電影的分享，請聽以下。

Part 1

Part 2

《 陰目偵信 》故事大崗

某日，小太郎在網上拍賣得來一把日本古刀，不以為然把古刀抽出一看，簡直難以置信……

這把日本古刀，竟然會開口說話！！

會說話的刀自稱「刀郎」，不但寄居在刀中千年，更以斬鬼為使命，而且會視擁有這把刀的人為宿主 !

刀兄，可否放過我呢？

某夜，小太郎遇上了──陰目偵信，專門助人解決奇怪問題的靈異偵探社！一場意外合作下，小太郎和陰目偵信成功收伏惡鬼。陰目偵信邀請小太郎加入，小太郎本想拒絕，但在刀郎的轟炸下，最終還是加入……

陰目偵信三人各有本領。石仔天生擁有陰陽眼，自小就能看到鬼；伍伯良個性衝動，卻能以念力製造無形的能量牆壁，防禦惡靈攻擊；Patrick沒有任何異能，滿口廢話，可是在危急關頭，Patrick總可以想出奇怪方法拯救眾人……

某日，美少女阿源與鄰居柴叔上門求助，他們居住的「平安樓」被發展商逼遷，只剩數戶人家，餘戶想堅持到底 ; 對方竟然派惡鬼來恐嚇收樓！惡鬼更將堅持不遷不拆的柴叔弄致重傷！住戶見狀都開始陷入絕望，打算向發展商認輸……

陰目偵信發現，所謂惡鬼都是由煉鬼師親自煉成，絕不是普通法師能夠對付；敵人早已查清陰目偵信底細，彷彿要陰目偵信與平安樓一同陪葬……

月圓之夜，魔氣籠罩平安樓！到底，陰目偵信能否力敵煉鬼族陰謀？

電影資料

監製：邵劍秋、戴栢豪

導演：梁國輝

編劇：凌偉駿、張戩仁

領銜主演：梁業、何啟華、吳保錡、郭嘉駿

主演：譚旻萱、郭思、葛民輝、羅永昌、張嘉年(太保)、李凱賢、張達倫、雷諾

特別演出：周家怡、沈震軒

友情演出：黃正宜(阿正)

《Barbie芭比》 可能被定性為女仔的玩物，不過電影《Barbie芭比》就絕對男女皆宜。

對雞口和髒神兩個麻甩佬而言，Barbie 係好陌生，因為由細到大，只有聽過見過而從來無玩過。不過今次呢套《Barbie芭比》，那怕從未聽過見過玩過相關產品，都會睇到你拍案叫絕。

故事大概就是世上有兩個世界，一個係我哋居住的現實世界，所有人都需要由為柴米油鹽而煩惱，為生活而奔波的世界，另一個則是Barbie 們居住的，只有理想與快樂，無憂無慮的 Barbie-Land。

在芭比樂園（Barbie-land），Barbie 住大屋，揸靚車，每天都在派對與讚美聲之中度過，現實上種種憂慮同佢哋無關。直至某天，Barbie 突然感覺到自己可能會死，生活才開始「貼地」 (原本 Barbie 的設定上腳踭係唔掂地，直至佢腳踭掂地的一刻，佢開始同現實世界產生了連結，當然呢幕的演繹就非常搞笑 ) ，為咗尋找異變的原因，由瑪歌羅比 (Margot Robbie)飾演的Barbie 與賴恩高斯寧 (Ryan Gosling) 飾演的 Ken 就走入現實世界。

當佢哋進入現實世界，先發覺原來係一個陌生國度，原本自己信奉的價值觀，在現實世界被擊得支離破線，原來支撐自己的信念，同現實相比，完全係另一回事。理想與現實的衝突，產生了不同笑料，好笑之餘，亦令觀眾開始反思﹕當自己一直信奉的一套原來係不堪一擊，甚至乎相當「離地」時，應該如何整自己的心態去學習和適應，而且又唔會因此而迷失呢？

借一個本身設定是完美的膠公仔，去講出理想與現實的矛盾，是今次電影高明的地方，所以那怕唔係 Barbie 的粉絲，都會睇得相當過癮。

更多分享，請聽今集。

Part 1

Part 2

《奪寶奇兵：命運輪盤》(Indiana Jones and the Dial of Destiny)  正式上映，距離2008年上映嘅《奪寶奇兵4 水晶骷髏國》，已過了15年光景，再往前數的話，第一集《奪寶奇兵》是在1981年上映 (香港上映時間為1982年)。

由夏里遜福（Harrison Ford）主演的《奪寶奇兵》 系列，至今差不多有42年歷史，多年來累積唔少 fans，只要電影主題曲一響起，即時勾起好多人嘅集體回憶。

作為第一套將奇幻元素加到以尋寶為題嘅電影，《奪寶奇兵》在呢方面已經創了先河，在講故事手法方面，它同樣引入了很多現代化嘅手法﹕例如借一段與主線無關的插曲去帶出主角人設，這些手法在今日可謂見慣見熟，不過，在《奪寶奇兵》面前世其實係無嘅，可以話《奪寶奇兵》開創了一種新嘅講故事手法。

當年報紙宣傳廣告，其中一大賣點是史蒂芬·史匹柏和佐治魯卡斯兩大電影巨匠攜手合作。 (資料來源﹕華僑日報)

當然，《奪寶奇兵》對後世電影還有更多影響，這些都會留待在節目內慢慢跟大家分享。另外，主持們亦會講下歷代《奪寶奇兵》系列內嘅經典場面，尤其能夠突顯主角印第安納·瓊斯 (Indiana Jones) 睿智嘅一面。

充滿回憶嘅一集，希望大家鍾意。

Part 1

Part 2

自1996年上映第一集以來，職業特工隊系列來到第七集，對比過往，今集主角伊頓亨特面對的「敵人」是強大的人工智能「個體」，對比過往有著形象鮮明的敵人，主角們如何與人工智能鬥智鬥力呢？

基斯杜化麥哥利 (Christopher McQuarrie) 身兼編劇與導演一職，湯告魯斯 (Tom Cruise)、西蒙柏奇 (Simon Pegg)、榮雷姆斯 (Ving Rhames)、莉碧嘉費格遜 (Rebecca Ferguson) 等一眾上集的主角們，加上新加入的 希莉艾維 (Hayley Atwell) 等人，構成了今集的演出班底。

對比過往，今集沒有太多高科技或刁鑽的解謎技巧，不過劇情卻比過往更為燒腦，因為那怕沒有具體說明，戲內引入了很多元宇宙等等新概念，及在電腦演算日益強勁下，所謂的「真」，很可能只是電腦想給你看的結果而已，而且在電腦強大的演算法下，隨時人們一眾以為由自己決定的行動，也可能是電腦有心誘導下而做，在這種背景下，劇情非常燒腦，需要大家花更多心機去了解。

當然，作為職業特工隊的其中一個招牌，高難度的特技動作絕不可少，例如今集在海拔1,200米的峭壁上凌空衝出至少80呎，然後在空中離開電單車，在六秒之內執行定點跳傘，為了短短呢一幕，「靚佬湯」便接受了15個月的相關特訓。至於其他精彩畫面就唔多劇透，留待大家入場慢慢睇。

閒話休提，一齊聽下今集講《職業特工隊：死亡清算上集》﹕

Part 1

Part 2