標籤:專題

文化從來沒有投降

有心保護中國文化,絕對唔係一刀切咁防止同其他文化接觸,反而要認真諗諗點做先弘揚到中國文化,你可以話我崇日,不過日本就完美示範咗點發揚自己文化,吸引世人不斷去欣賞同朝聖。記得去年訪問郭子健導演時佢提到﹕「港產片其實係雜種,不中不西」,我好認同導演嘅講法,當年香港嘅電影工作者無劃地為牢,成功地將西方嘅創意結合本地想法,炮製出唔少經典嘅港產片,你可以話佢左抄右抄炒埋一碟,偏偏佢炒得好睇又好賣。其實唔只港產片,茶餐廳嘅菠蘿油紅豆冰火腿湯意粉,或者港式鐵板豉油西餐,都係中西文化混合的「雜種」,偏偏大把人愛其夠雜,睇下幾多遊客嚟到都要食下就知。


見到商場內嘅聖誕佈置,就知呢個普世歡騰嘅節日好快嚟到,可能大家已密鑼緊鼓咁安排節目,只不過最近聽到一股聲音,係提醒中國人要慎過聖誕節,尤其無信基督教嘅朋友,唔應該寫聖誕卡買禮物開派對….總之任何形式嘅慶祝都唔應該參加,目的係保護中國文化,防止文化投降嘅現象出現。其實文化自有其獨立生命,唔會輕易被另一文化吞噬,事實亦證明文化一路以來只有互相融合和影響,從而誕生出新嘅形態。

聖誕節只係一個符號,象徵普天同慶,等大家借呢個機會玩下輕鬆下,紓解下一年落嚟工作嘅勞累同緊張。好似德國人過聖誕節,就同中國人過年差唔多,我表妹幾年前嫁咗畀德國人,每逢聖誕,佢就要同鬼佬表妹夫趕返德國過節,聽佢講除咗幾個大城市有聖誕市集外,聖誕期間好多舖頭都係休息唔做生意,市面一片安詳寧靜,唔同香港咁成街人。平安夜當日,一家人聚埋開派對,大家交換禮物,互相祝賀。到聖誕節正日,會到其他親戚屋企拜訪,情況同中國人去拜年差唔多,係無派利是咁解。我都會趁住聖誕節同家人朋友歡聚﹕平安夜同舊同學打下邊爐,之後玩大富翁傾下偈就一晚﹔正日去親戚到開大食會同玩抽禮物。所謂慶祝聖誕節,講到底係個借口而已。

我個人認為文化只有融入同交流,互相影響後再創新形態。例如佛教由印度傳入中國,千百年來不斷同中國文化融合,跟儒道兩種思想互相影響,最後三者共同影響著中國人的思維。又好似墨西哥嘅亡靈節本來係一個本土節日,經過多年嚟同西班牙殖民時代留落嘅宗教儀式與基督慶典融合,發展成今日嘅形態,而家墨西哥人不論宗教背景或種族,都會慶祝亡靈節。想睇下亡靈節有幾熱鬧,不妨搵套<<007: Spectre>>睇下,電影一開場就係亡靈節嘅盛大巡遊畫面。就算普世歡騰嘅聖誕節,去到世界各地跟唔同風俗文化結合,都誕生出富當地特色嘅新形態。好似聖誕節icon之一嘅聖誕老人,佢派禮物就聽得多,有無諗過佢向人要禮物呢?瑞士嘅聖誕老人就係咁,佢哋多數由窮苦人裝扮,身穿白衫,聯群結隊向富人討禮物及食物。每種文化有獨特嘅生命力,唔會話邊種取代邊種。因此我個人唔認同文化投降嘅講法,再講真係有投降又點,和服係人都知,日本人會叫和服為吳服,相傳係三國時代東吳與日本進行貿易,將絲織品及衣服製作方法傳入日本,從而影響咗日本服裝嘅發展,故和服究其根底係嚟自中國文化,如果文化投降嘅講法成立,到底係日本文化向中國文化投降,定係中國文化反被日本文化侵佔呢?

有心保護中國文化,絕對唔係一刀切咁防止同其他文化接觸,反而要認真諗諗點做先弘揚到中國文化,你可以話我崇日,不過日本就完美示範咗點發揚自己文化,吸引世人不斷去欣賞同朝聖。記得去年訪問郭子健導演時佢提到﹕「港產片其實係雜種,不中不西」,我好認同導演嘅講法,當年香港嘅電影工作者無劃地為牢,成功地將西方嘅創意結合本地想法,炮製出唔少經典嘅港產片,你可以話佢左抄右抄炒埋一碟,偏偏佢炒得好睇又好賣。其實唔只港產片,茶餐廳嘅菠蘿油紅豆冰火腿湯意粉,或者港式鐵板豉油西餐,都係中西文化混合的「雜種」,偏偏大把人愛其夠雜,睇下幾多遊客嚟到都要食下就知。

我認同要慎過聖誕節,不過就唔係打住保護中國文化旗號嘅理由,反而係考慮點安排先玩得開心盡興,唔好浪費年尾呢個攞正牌去玩嘅大節。最後,代表編輯部祝大家聖誕節快樂 (或者聖誕快上)。

P.S :賣個廣告先,編輯部趁住聖誕節,邀請咗一班熱愛創作嘅朋友,以聖誕老人及聖誕禮物為題,創出了一批抵死有趣的作品,借呢個機會請大家睇下開心下,順便祝大家聖誕快樂!! 

聖誕咩都有–聖誕老人新style

聖誕咩都有–怪搞聖誕禮物

聖誕咩都有–怪搞聖誕禮物

在聖誕派對中很多時都有抽禮物的環節,或者是運氣問題,筆者我經常與「好嘢」無緣,試過抽到廁紙、洗潔精、5公斤白米、memo紙,甚至性玩具…..雖然當中都有實用的,但總感覺跟禮物兩字談不上關係….

今年編輯部集合了一班貪玩的朋友玩抽「禮物」,跟普通的抽禮物不同,大家不用花錢花時間去買禮物,反而要挖空心思,提交「產品名」+「關鍵」各一,例如產品是花生油,關鍵字是深綠色。由主編收齊後進行抽籤,中籤的朋友,須按產品名及關鍵字進行創作,設計出一份怪搞抵死的「禮物」。當然,大家提出的產品名及關鍵字多數沒有關聯,故創作時非常考驗聯想力及畫功。

現在請各位看看參加者們在腦洞大開下畫出來的作品,並預祝各位朋友在參加派對時鴻運當頭,抽多點「好嘢」回來。


 

 

鱷魚

鱷魚 創作總監


抽中的產品名及關鍵字﹕絲襪 宿醉

作品簡介﹕

聖誕節,有人收禮物,有人會飲醉,聖誕老人會送你禮物讓你心花怒放,而酒神,就會用絲襪罩住你的頭,等你天花亂墜地過聖誕。

聖誕咩都有–聖誕老人新style

紅衫白鬚大肚腩,呵呵大笑地駕著鹿車去派聖誕禮物,這是筆者多年來對聖誕老人的印象,或許也是大家對他的印象。聖誕將至,一班熱愛創作的朋友決定為聖誕老人換個造型,大家發揮想像力,為他設計出有別於傳統,又不失聖誕味道的新造型,並順道預祝各位讀者聖誕快樂。


 

鱷魚

鱷魚 創作總監


 

作品簡介﹕

聖誕老人給大家的印象都是和藹可親的,我想給他一些特別的感覺;比如說很辣或者很酷…構思時恰好想到當下熱門的遊戲—<<荒野大鏢客2>>,於是就有了這個劫富濟貧的新型像:狂野西部的聖誕老人。

百鬼夜行

講開百鬼夜行,其實都唔一定要等到萬聖節,平時我哋身邊,都好多妖魔鬼怪。


萬聖節好快就到,雖然同鬼有關,但就一d都唔恐怖,重非常歡樂,人人扮鬼扮馬上街慶祝。同樣以鬼為題的節日,盂蘭節就恐怖得多,長輩們話鬼門關大開,唔好去夜街,早d返屋企﹔在街見到錢又唔好執﹔當然唔好去游水,會畀水鬼拉去做替身……成個農曆七月陰風陣陣,大家盡量避免見鬼。萬聖節就百鬼夜行,唔怕你見,最怕你唔見。講開百鬼夜行,其實都唔一定要等到萬聖節,平時我哋身邊,都好多妖魔鬼怪。

就好似返工在辦公室就隨時見到陰濕鬼、自私鬼、死懶鬼,又有d口沒遮攔的嘩鬼,專係搬弄是非,或是非當人情。有d衰鬼,成班同事去食飯,佢總話唔記得帶錢,一句畀住先事後還,事後就無件事。到出街搭車,會撞到唔少自私鬼,打機睇片唔用耳機,自己high爆時就嘈到人,要知道唔係人人有興趣接受你的「分享」﹔另外在地鐵時,自私鬼們掛住打機睇片,塞住個車門,再唔係就挨落條柱到扮柱男柱女,見到呢類人就火滾,試過見有人在門邊玩手機,人潮落車時佢郁都唔郁,結果人潮一過就撞咗部機落地,果一刻我非常心涼。近年興講關公災難,其實都未算最恐怖,最怕有人關公上身,一面嚴肅,做咩都話要義字當頭,一副教化世人的面孔。只係面對自己時,就耶穌上身,一臉慈祥,自己做咩都可以寬恕。

妖魔鬼怪實在太多,或者下次有機會再講。其實講咁多,係想溫馨提示大家萬聖節眨眼就到,編輯部乘機搞下鬼,在無金禮聘,誠意搭夠下,邀請了各方朋友設計了過癮獨特的萬聖節造型,如果大家頭痕未諗到扮咩出去玩嘅,不妨參考下 (只係由髒神設計的造型,我諗大家都無咩可能扮到….),最後預祝大家萬聖節個個化身開心鬼,高高興興玩返晚。

由各方朋友設計的過癮造型如下﹕

顏色萬聖節

 

膽色萬聖節—-遺體化妝大師Wendy Ma

更多文化傳承的精彩內容,請按此

萬聖節可能大家都會扮鬼扮馬出去玩。在一片歡樂氣氛下,這個原本屬於亡靈的節日再無半點恐怖的氣氛。講到恐怖氣氛,跟著介紹的這位朋友,她的工作環境可能對部份人來說夠哂恐怖,有請遺體化妝師 Wendy。

遺體化妝師馬小姐 (Wendy Ma)
遺體化妝師馬小姐 (Wendy Ma)

Wendy 從事這行16年,見盡各式死狀的屍體之餘,還要親手跟他們接觸,讓他們好好睇睇咁走畢人生最後的旅程,當中的確少點膽色也不行。遺體化妝師屬冷門職業中的冷門,Wendy 會講講自己入行的經過,並介紹下這行的概況。

作為替死者守尾門的人,Wendy 從家屬們對遺體處理的要求上,知道很多不同人生前的故事。對生意,她從不勉強,如她在訪問內提到,一般做生意講客源,她這行講的是「客緣」,是你就是你,強求無幸福。

多年來處理過不少遺體,最深刻及難過,莫過於替認識的人化妝,Wendy 將在節目內詳盡道出那種無奈及痛苦的感受。

更多內容,請慢慢收聽。


 

 

工作高峰期時,甚至要忙到對著屍體食飯,Wendy說由起初的食不下咽,到最後不當一回事
工作高峰期時,甚至要忙到對著屍體食飯,Wendy說由起初的食不下咽,到最後不當一回事
Wendy 的工具箱,開箱前她告誡道,可能會有強烈屍味湧出來,因為箱內所有工具都同屍體有頻密接觸。
Wendy 的工具箱,開箱前她告誡道,可能會有強烈屍味湧出來,因為箱內所有工具都同屍體有頻密接觸。
除了一般化妝品外,Wendy表示有時需要用到一些特別的物料協助化妝。
除了一般化妝品外,Wendy表示有時需要用到一些特別的物料協助化妝。
當遇到死唔眼閉時,針筒就有其用處。詳情請留意節內容。
當遇到死唔眼閉時,針筒就有其用處。詳情請留意節內容。
每副遺體背後,都有一個故事。
每副遺體背後,都有一個故事。

顏色萬聖節

更多文化傳承的精彩內容,請按此

香港地除了車多人多外,節日也不少,在這個華洋雜處之地,除了傳統的中國節日外,來自西方的節日也有一定的影響力,單講鬼節,香港人既會按習俗過盂蘭節,也享受萬聖節帶來的氛圍,萬聖節期間,當然少不得各大商場的促銷活動,另外主題公園也有相關的遊樂專區,當然最過癮是有機會在街頭巷尾見到各式「妖魔鬼怪」。編輯部乘節日將至趁下熱鬧,邀請各方好友挖好心思,畫出心中各具特色的萬聖節造型,大家喜歡的話,不妨參考照扮,我們無任歡迎,只是…..部份造型有一定難度,請大家量力而為,不要未嚇人先傷己。 😆  😆

祝大家萬聖節玩得過癮。


 

johnson

 

髒神 Action 主持之一,同時打自己工,從事創意相關的工作,由度橋畫嘢到整公仔樣樣齊。


作品簡介﹕

恐怖係唔駛解釋。

旺角潮僑盂蘭勝會 (盂蘭專題)

旺角潮僑盂蘭勝會於每年的農曆七月初十至十二舉行,至今已有49年歷史,勝會在大角咀詩歌舞街遊樂場的球場內進行。


 

不管是踢波遠足,還是開壇拜神,只要是戶外活動,一定會受天氣影響。今年勝會舉行的日子,撞正天氣不穩,時時落著傾盤大雨。我們於農曆七月十日下午4時到達現場,剛好撞正大雷雨,訪問就借天氣開始來打開話題場的框框。

傾盤大雨,影響了參拜的人流。
傾盤大雨,影響了參拜的人流。

IMG_20180820_171622 IMG_20180820_171631

跟負責人邱先生在風雨下對談,他提到勝會內的建設,本來是以竹棚搭建,不過在1998年因受颱風吹襲而倒塌,自此就改用鋁架加木組件,增強防風雨的能力。不過邱生慨嘆負責工程的公司服務一般,圖中為辦事處後方,是儲藏物資的地方,承辦商趕著起貨,就抱著「搏一搏」的心態賭不會下雨,沒有封好辦事處屋頂及帳篷間的空位,結果這3日大雨不斷,雨水不停從空位處吹入,工作人員忙於收藏物資,以防弄濕,只見大家顧得收拾就顧不了自己淋濕,情況非常狼狽。問邱生為何不採用其他工程公司,他說香港只有少量的工程公司做這些盂蘭勝會的場地佈置建設,撞著盂蘭勝會舉辦的高峰期,人人都趕出貨,很多時就忽視了質量。

說回勝會本身,舉辦的流程是每年4月向政府入紙申請場地,整個申請為時約兩星期。活動開始前2日 (農曆七月初八) 佈置場地,初十勝會早上正式開始,到初十二下午4時多整個祭祀儀式結束,然後就在現場化寶,並開始派米,整個盂蘭勝會到結束。


初十二當天還是乍雨乍晴,趁著下午有陽光的時間,無論善信還是筆者,也把握好天的一刻盡快完成任務 (善信﹕拜神,筆者﹕影相)

威風凜凜的大士王

IMG_20180822_150701 IMG_20180822_150711

 

現場設化寶爐

IMG_20180822_150348

 

邱生稱他們為「太子」,每演完一日神功戲,就把其中一個請到神棚上。

IMG_20180822_152034

筆者初時以為是麵粉製的飾品,邱生澄清是塑膠製作,方便下次再用。

IMG_20180822_150438 IMG_20180822_150500

 

難得見到陽光,善信把握時間誠心上香。

IMG_20180822_151250 IMG_20180822_151720

 

各式祭品

IMG_20180822_150446 IMG_20180822_150453

 

傳統潮式食品,按工作人員說,配合潮州粥來吃,有解暑開胃的功效。

IMG-20180820-WA0043 IMG-20180820-WA0045 IMG-20180820-WA0046

不用豉油調味。

IMG-20180820-WA0050

 

相關內容﹕

你返工做咩? 全職喃嘸師傅專訪

大場變細場,波地到走廊—-九龍仔信福德堂盂蘭勝會

漫畫漫話影畫戲之忘不了的恐怖

盂蘭加強版之陰間產品設計師

盂蘭加強版之七月Soho 的另類派對

 

 

 

忘不了的恐怖 (盂蘭專題)

盂蘭節又名鬼節,為了應下景,今次邀請了不同的朋友,不論港產片還是西片,總之是鬼片、恐怖片、驚慄片、甚至不屬上述其中但個人又覺得非常恐的的電影為題,以繪畫畫出當中最令大家感到恐怖難忘的一幕。


 

IMG-20180821-WA0001

凶榜,港產靈異電影的經典,經典的地方,不是在高科技的什麼什麼特技,而是主角被厲鬼纏身,也是被他悲劇的命運纏身,命數如此,避無可避,不是前世今生的作業,而是像一般尋常意外一樣,何必偏偏選中我。


髒神 Action 主持之一,同時打自己工,從事創意相關的工作,由度橋畫嘢到整公仔樣樣齊。

你返工做咩? 全職喃嘸師傅專訪 (盂蘭專題)

「喃嘸佬」除了唸經,還有其他的工作嗎?喃嘸師傅是集多材多藝於一身的文化人?除了白事,原來紅事都需要喃嘸師傅?盂蘭勝會一共有幾多種?


時值農曆七月,走在各區的街頭巷尾,鬼未必見到,不過就會看到形形式式的盂蘭法事,在各種引人注目的儀式及祭品背後,其實需要一位主持人,才能令法事順利進行。那就是大家口中的「喃嘸佬」。今次我們請到了一位有廿多年經驗的全職喃嘸師傳——唐百川師傅上來傾下偈。

「喃嘸佬」除了唸經,還有其他的工作嗎?喃嘸師傅是集多材多藝於一身的文化人?除了白事,原來紅事都需要喃嘸師傅?盂蘭勝會一共有幾多種?

唐百川師傅已從事全職喃嘸師傳十多年
唐百川師傅已從事全職喃嘸師傳廿多年

所有問題,有請唐師傅為大家解答。


 

 

每堂法事都有嚴謹的規矩,簡單如坐位,也不能隨意亂坐
每堂法事都有嚴謹的規矩,簡單如坐位,也不能隨意亂坐

這組圖示範了開壇及破地獄的過程

節目內師傅幾次提到一位喃嘸師傅,要精通「喃吹打紮寫」,按師傅的解釋,這5門功夫分別如下﹕

  • 喃-指唱腔曲韻,要求字正發音準確能使齋家醮主清晰聽到經文內容
  • 吹-指吹樂即嗩吶/蕭/二胡等樂器,有助提升法事的氣氛和質量
  • 打-指擊樂即鑼鼓,主要掌控持頌經文時的節奏
  • 紮-指紮作因爲初期是沒有紙扎鋪,法事所需的紙扎都是師傅親手做的
  • 寫-指書法因爲法事上有大量疏文/文碟/奏表/傍文需要師傅親自書寫,傳達天曹地府水府酆都等等…..

相關內容﹕

大場變細場,波地到走廊—-九龍仔信福德堂盂蘭勝會

漫畫漫話影畫戲之忘不了的恐怖

旺角潮僑盂蘭勝會

盂蘭加強版之陰間產品設計師

盂蘭加強版之七月Soho 的另類派對

 

大場變細場,波地到走廊—-九龍仔信福德堂盂蘭勝會 (盂蘭專題)

由九龍仔信福德堂舉辦的盂蘭勝會於農曆七月初四至初五 (8月14-15日)在九龍石硤尾南山村南偉樓地下舉行,由七月初四早上9時開始誦經,於初五晚9時結束。


 

IMG-20180814-WA0054

九龍仔信福德堂自60年代起已開始舉辦盂蘭勝會,勝會採用佛教儀式。負責人蘭姨表示勝會本來在大坑東村的波地舉行,場地空間廣闊,可以演神功戲,只是十多年前那邊起樓,故改為到南山村南偉樓的地下進行。在呈長方型的過道內舉行法事,並在部份戶外的地方架設帳篷,設立神壇,受場地所限,神功戲不能再演,只能保留誦經的部份。隨著法事規模的改變,經費也隨之改變,之前做一堂連神功戲的法事,費用約七十多萬港元,現在為廿多萬。經費是向各善信募捐回來

雖然場地的變遷令法事的規模有改變,不過身在現場,也見到佈置的心思,之後就由圖片說話,讓大家看看這個有多年歷史的盂蘭勝會的情況。


相關內容﹕

你返工做咩? 全職喃嘸師傅專訪

漫畫漫話影畫戲之忘不了的恐怖

旺角潮僑盂蘭勝會

盂蘭加強版之陰間產品設計師

盂蘭加強版之七月Soho 的另類派對

 

特別鳴謝﹕文臣顧問有限公司協助完成是次採訪