標籤:聖誕節

第54集 聖誕睇 Die Hard

客席主持﹕肥冼

聖誕節無論成班朋友圍埋開party,定情侶夫婦拍拖,甚至一個人宅在屋企,睇戲都係一個適合的選擇,同聖誕節有關嘅電影有唔少,點解3位主持偏偏抽套<<Die Hard>> 出嚟講呢?因為個故事發生在12月24日,定係有其他原因?

詳細內容請大家留意節目啦,順便祝大家聖誕快樂。


 

 

今集提到的電影包括﹕

  1. <Die Hard>>
  2. <<Taxi Driver>>
  3. <<The Six Sense>>
  4. <<Twelve Monkeys>>
  5. <<Village>>

文化從來沒有投降

有心保護中國文化,絕對唔係一刀切咁防止同其他文化接觸,反而要認真諗諗點做先弘揚到中國文化,你可以話我崇日,不過日本就完美示範咗點發揚自己文化,吸引世人不斷去欣賞同朝聖。記得去年訪問郭子健導演時佢提到﹕「港產片其實係雜種,不中不西」,我好認同導演嘅講法,當年香港嘅電影工作者無劃地為牢,成功地將西方嘅創意結合本地想法,炮製出唔少經典嘅港產片,你可以話佢左抄右抄炒埋一碟,偏偏佢炒得好睇又好賣。其實唔只港產片,茶餐廳嘅菠蘿油紅豆冰火腿湯意粉,或者港式鐵板豉油西餐,都係中西文化混合的「雜種」,偏偏大把人愛其夠雜,睇下幾多遊客嚟到都要食下就知。


見到商場內嘅聖誕佈置,就知呢個普世歡騰嘅節日好快嚟到,可能大家已密鑼緊鼓咁安排節目,只不過最近聽到一股聲音,係提醒中國人要慎過聖誕節,尤其無信基督教嘅朋友,唔應該寫聖誕卡買禮物開派對….總之任何形式嘅慶祝都唔應該參加,目的係保護中國文化,防止文化投降嘅現象出現。其實文化自有其獨立生命,唔會輕易被另一文化吞噬,事實亦證明文化一路以來只有互相融合和影響,從而誕生出新嘅形態。

聖誕節只係一個符號,象徵普天同慶,等大家借呢個機會玩下輕鬆下,紓解下一年落嚟工作嘅勞累同緊張。好似德國人過聖誕節,就同中國人過年差唔多,我表妹幾年前嫁咗畀德國人,每逢聖誕,佢就要同鬼佬表妹夫趕返德國過節,聽佢講除咗幾個大城市有聖誕市集外,聖誕期間好多舖頭都係休息唔做生意,市面一片安詳寧靜,唔同香港咁成街人。平安夜當日,一家人聚埋開派對,大家交換禮物,互相祝賀。到聖誕節正日,會到其他親戚屋企拜訪,情況同中國人去拜年差唔多,係無派利是咁解。我都會趁住聖誕節同家人朋友歡聚﹕平安夜同舊同學打下邊爐,之後玩大富翁傾下偈就一晚﹔正日去親戚到開大食會同玩抽禮物。所謂慶祝聖誕節,講到底係個借口而已。

我個人認為文化只有融入同交流,互相影響後再創新形態。例如佛教由印度傳入中國,千百年來不斷同中國文化融合,跟儒道兩種思想互相影響,最後三者共同影響著中國人的思維。又好似墨西哥嘅亡靈節本來係一個本土節日,經過多年嚟同西班牙殖民時代留落嘅宗教儀式與基督慶典融合,發展成今日嘅形態,而家墨西哥人不論宗教背景或種族,都會慶祝亡靈節。想睇下亡靈節有幾熱鬧,不妨搵套<<007: Spectre>>睇下,電影一開場就係亡靈節嘅盛大巡遊畫面。就算普世歡騰嘅聖誕節,去到世界各地跟唔同風俗文化結合,都誕生出富當地特色嘅新形態。好似聖誕節icon之一嘅聖誕老人,佢派禮物就聽得多,有無諗過佢向人要禮物呢?瑞士嘅聖誕老人就係咁,佢哋多數由窮苦人裝扮,身穿白衫,聯群結隊向富人討禮物及食物。每種文化有獨特嘅生命力,唔會話邊種取代邊種。因此我個人唔認同文化投降嘅講法,再講真係有投降又點,和服係人都知,日本人會叫和服為吳服,相傳係三國時代東吳與日本進行貿易,將絲織品及衣服製作方法傳入日本,從而影響咗日本服裝嘅發展,故和服究其根底係嚟自中國文化,如果文化投降嘅講法成立,到底係日本文化向中國文化投降,定係中國文化反被日本文化侵佔呢?

有心保護中國文化,絕對唔係一刀切咁防止同其他文化接觸,反而要認真諗諗點做先弘揚到中國文化,你可以話我崇日,不過日本就完美示範咗點發揚自己文化,吸引世人不斷去欣賞同朝聖。記得去年訪問郭子健導演時佢提到﹕「港產片其實係雜種,不中不西」,我好認同導演嘅講法,當年香港嘅電影工作者無劃地為牢,成功地將西方嘅創意結合本地想法,炮製出唔少經典嘅港產片,你可以話佢左抄右抄炒埋一碟,偏偏佢炒得好睇又好賣。其實唔只港產片,茶餐廳嘅菠蘿油紅豆冰火腿湯意粉,或者港式鐵板豉油西餐,都係中西文化混合的「雜種」,偏偏大把人愛其夠雜,睇下幾多遊客嚟到都要食下就知。

我認同要慎過聖誕節,不過就唔係打住保護中國文化旗號嘅理由,反而係考慮點安排先玩得開心盡興,唔好浪費年尾呢個攞正牌去玩嘅大節。最後,代表編輯部祝大家聖誕節快樂 (或者聖誕快上)。

P.S :賣個廣告先,編輯部趁住聖誕節,邀請咗一班熱愛創作嘅朋友,以聖誕老人及聖誕禮物為題,創出了一批抵死有趣的作品,借呢個機會請大家睇下開心下,順便祝大家聖誕快樂!! 

聖誕咩都有–聖誕老人新style

聖誕咩都有–怪搞聖誕禮物

聖誕咩都有–怪搞聖誕禮物

在聖誕派對中很多時都有抽禮物的環節,或者是運氣問題,筆者我經常與「好嘢」無緣,試過抽到廁紙、洗潔精、5公斤白米、memo紙,甚至性玩具…..雖然當中都有實用的,但總感覺跟禮物兩字談不上關係….

今年編輯部集合了一班貪玩的朋友玩抽「禮物」,跟普通的抽禮物不同,大家不用花錢花時間去買禮物,反而要挖空心思,提交「產品名」+「關鍵」各一,例如產品是花生油,關鍵字是深綠色。由主編收齊後進行抽籤,中籤的朋友,須按產品名及關鍵字進行創作,設計出一份怪搞抵死的「禮物」。當然,大家提出的產品名及關鍵字多數沒有關聯,故創作時非常考驗聯想力及畫功。

現在請各位看看參加者們在腦洞大開下畫出來的作品,並預祝各位朋友在參加派對時鴻運當頭,抽多點「好嘢」回來。


 

 

鱷魚

鱷魚 創作總監


抽中的產品名及關鍵字﹕絲襪 宿醉

作品簡介﹕

聖誕節,有人收禮物,有人會飲醉,聖誕老人會送你禮物讓你心花怒放,而酒神,就會用絲襪罩住你的頭,等你天花亂墜地過聖誕。

聖誕咩都有–聖誕老人新style

紅衫白鬚大肚腩,呵呵大笑地駕著鹿車去派聖誕禮物,這是筆者多年來對聖誕老人的印象,或許也是大家對他的印象。聖誕將至,一班熱愛創作的朋友決定為聖誕老人換個造型,大家發揮想像力,為他設計出有別於傳統,又不失聖誕味道的新造型,並順道預祝各位讀者聖誕快樂。


 

鱷魚

鱷魚 創作總監


 

作品簡介﹕

聖誕老人給大家的印象都是和藹可親的,我想給他一些特別的感覺;比如說很辣或者很酷…構思時恰好想到當下熱門的遊戲—<<荒野大鏢客2>>,於是就有了這個劫富濟貧的新型像:狂野西部的聖誕老人。

Harry哥哥的快樂聖誕!

Harry哥哥的快樂聖誕!
Harry哥哥的快樂聖誕!

聖誕節快到了!齊來與香港管弦樂團(港樂)和主持Harry哥哥一起歡度這個普天同慶的節日吧!12月23日下午3時和晚上8時,以及新加開1224日晚上8一場,屆時Harry哥哥將與指揮廖國敏、港樂和香港管弦樂團合唱團攜手合作施展魔法,令香港文化中心音樂廳變成飄雪皇國,以濃厚的聖誕氣氛注滿現場。

 這個適合3歲以上大小朋友的音樂會,將呈獻從巴赫到布烈頓到阿諾爵士以至最受大眾歡迎的聖誕頌歌等與聖誕節息息相關的作品。若果看見聖誕老人,或是我們的特別嘉賓吸塵機先生出現在舞台上,千萬不要感到驚訝!

與家人一起來感受真正的節日氣氛,並與香港管弦樂團合唱團一同合唱多首聖誕頌歌,包括耳熟能詳的〈平安夜〉、〈齊來,宗主信徒〉等,共度一個樂韻悠揚的聖誕節。不要忘記準備與聖誕老人拍照留念啊!

節日系列:Harry哥哥的快樂聖誕將於20181223日(星期日)下午3時和晚上8,以及20181224日(星期一)晚上8香港文化中心音樂廳舉行。門票HK$420, $380, $280, $220現已於城市售票網公開發售。節目查詢請致電+852 2721 2332或瀏覽hkphil.org

聖誕咩都有–聞到睇到的香味

氣味對我們的衝擊直接了當,而且每隻氣味獨一無二,不會因時間的流逝而改變,例如當嗅到香橙的味道,不用再加其他文字描述,我們也知道它是香橙。在漫長的人生路中,我們可能會忘記某個時刻,卻不會忘記某種嗅過的氣味,嗅過的氣味猶如以斧鑿刻在我們的腦中,永留記憶。

聖誕將至,在這個普天同慶的時候,人人也希望過一個愉快又難忘的聖誕節。編輯部今次邀請了兩位朋友——Connie 及 Florence,跟大家分享透過調配香薰按摩油,製作出只屬於你的氣味,並如何運用香薰油,為聖誕假期增添情趣。

以下3段影片,Connie 及 Florence 分別分享了香薰油對小朋友、男士及女士的功效。


 

小朋友篇 

一切從簡,還是一切從揀?

一切從簡,只是省去不必要的細節,而不是一刀切把所有事情都簡單化、簡略化,我也是極度怕麻煩的人,不過我不會一切從簡,反而傾向一切從揀。


一年容易又聖誕,回想童年時,聖誕節是個比農曆新年還要重要的日子,先講學校方面,既有聖誕假放,又有party開,已經夠過癮。父母又會帶我們兩兄弟去食聖誕大餐,行尖東睇燈飾,當然少不得聖誕禮物,它簡直是心儀玩具的代名詞。稍為美中不足的是學校把中期考試安排在聖誕假後,意味著假期內要抽時間溫習,這是很破壞心情的事。到了少年時,很多人就把聖誕節變身為情人節,不過筆者我20歲才第一次拍拖,故少年時代大部分時間的聖誕節都感受不到浪漫氣氛,有的只是無盡的空虛寂寞和凍。

轉眼間就過了30幾年的聖誕節,對聖誕節已沒有太大的感覺了,尤其近年香港的聖誕氣氛愈來愈淡。這或許與大部份人已經習慣過聖誕有關,故抱著一切從簡的心態去面對這個節日。

香港人普遍承受很大的工作壓力,故在不多的工剩時間內,大多希望透透氣,給平時高速運作的大腦放個假輕鬆下,因此很多事情,都傾向一切從簡。不過如果一切都從簡,那生活會變成怎樣呢?畢竟生活的樂趣就在過程與細節,無論是入廚、看電影、砌模型…….其樂趣都在過程與細節中,如果省去了這些細節,還有什麼意思呢?

回到聖誕氣氛的話題上,客觀事實是市面上的聖誕氣氛是淡了。不過有心的話,氣氛其實可以自己製造,簡單一問,大家多久沒寫過聖誕卡?由挑選聖誕卡開始,到構思及撰寫祝福語,直到把卡寄或交到收卡人手上,然後收卡人向送卡者表達謝意,通過以上一層層的遞進,所謂的聖誕氣氛就油然而生。當然,聖誕卡不是聖誕節的全部,只是想借這個例子說明,有些過程減省了,氣氛就自然弱了。

一切從簡,只是省去不必要的細節,而不是一刀切把所有事情都簡單化、簡略化,我也是極度怕麻煩的人,不過我不會一切從簡,反而傾向一切從揀,認真問清楚自己的心意,選擇適合自己的方式去生活,視乎情況,可繁可簡,就像聖誕節,雖然已經習慣,但每年仍然有所期待,因為這是個與家人朋友相聚的日子,那怕事前多點準備功夫,事後多了清潔要做,我也樂在其中。

最後,謹代表編輯部,祝各位有個稱心如意的聖誕節。

聖誕快樂 !!

p 2 p 1 p 3

 

第22集 聖誕節,步向成人的大門

今集應應景,講下聖誕節。兩位主持都認同聖誕節的氣氛愈來愈淡,不過如果只講氣氛,就未免太過行貨。故兩位主持將講下聖誕節對一代的人的意義,髒神就提出了聖誕節,是步向成為成年人的大門,這是什麼意思呢?要穿過這道大門,又要做什麼準備功夫呢?


 


又到聖誕又到聖誕,Action 趁著這個日子,邀請了13位朋友,以「這個聖誕」為題,分享下跟聖誕有關的特別經歷或想法,並借這個機會向大家講聲聖誕快樂。

節目傳送門﹕ 這個聖誕

這個聖誕

又到聖誕又到聖誕,有人因為大節將至,可以大條道理慶祝而變得生猛。有人已過慣聖誕,與其花心機花時間花金錢去慶祝,不如提早上床睡覺。無論如何,聖誕節在香港都是個大節,亦是一年快將完結的訊號。Action 趁著這個日子,邀請不同的朋友,以「這個聖誕」為題,分享下對聖誕的看法及有趣的經歷,並借這個機會,向聽眾們送上衷心的祝福,講聲聖誕快樂。

「這個聖誕」系列,將伴隨著大家倒數聖誕節的來臨。由本日起至12月21日,逢星期一及四,將為大家送上「這個聖誕」系列。


今次先為大家送上兩位嘉賓的分享。

大明,創意無咁易主持,漫畫<<塵世海>>主筆,現為自由工作者
這個聖誕,突破框框,帶你走入夜冷
 Jacky,澳門戲劇農莊創團成員及行政總監
這個聖誕,變味又變式,又食又拎

 

12月7日,再有其他嘉賓跟大家分享及送上聖誕祝福。

第3集 信仰文化在廣州

嘉賓﹕廣州十甫堂青年诗班成员——COCO、李威、牛哥、阿K

越來越多的人接觸宗教信仰,身邊也可能越來越多有信仰的朋友,但又究竟有幾多人會去瞭解信仰背後的這班人平時的生活和對自己信仰的理解呢?作為基督徒的哈哈哈小姐這次請來廣州十甫堂青年詩班的朋友一同暢談自己信仰的經過和信仰的力量,一同探討在廣州的信仰文化。

Part 1

 

Part 2

 

 

 

左起阿k,牛哥,coco,李威
左起阿k,牛哥,coco,李威

(基督教十甫堂介紹——座落在廣州市十甫路93號的原基督教十甫堂(上下二層磚木結構),解放前後一直為開放教堂。其由來是1862年英國循道公會第一位來華傳教士卑士牧師,在廣州西關第十甫用白銀千餘兩購得大屋一間,改建為福音堂,是為十甫堂的前身。1958年開始,廣州教會進行大聯合,十甫堂一直被定為聯合聚會堂點之一,1966年起“文革”浩劫期間,十甫堂與全市教會同遭關閉,直至1983年12月24日紀念救主基督降生舉行複堂感恩聚會,麥惠新牧師任堂主任。以後各種聚會和活動亦逐步開展。)