標籤:買樓

有樓有成就?

好多人覺得買到樓係有錢的表現,我明白大家點解咁諗,香港人太習慣睇錢做人,社會風氣好多時以錢去衡量一個人的成就,只要你有錢,你就係叻人


香港樓出名貴,原因有好多,例如之前探討過取消租管,令租樓同供樓的支出差唔多,出名識計數的香港人自然傾向買樓,供樓當儲錢,好過交租益業主。又有一個講法係國內客炒貴哂啲樓。當然近排講得最多係土地問題,無地起樓,樓價想唔貴都難。除咗經濟因素外,個人思想的改變,可能都係推高樓價的原因。我今年三十幾歲,發覺同我差唔多年紀的人,都唔多想同父母住,我的父母輩係無呢種諗法,可能我哋呢代的DNA發生突變啦。只係當人人想要自己的居所時,樓價自然愈搶愈高。

樓價高企,好多人覺得置業無望,社會慢慢出現咗以前無的現象,開始有人覺得買到樓係成功人生的指標,多得有心的傳媒大力炒作,好似有節目邀請一班不同社會背景的人,講下在樓價高企的今日佢哋為置業如何各出奇招,當中更針對性講到佢哋對置業的心態,唔少人覺得呢類節目嘩眾取寵,但亦唔排除有人受到影響。記得幾年前同合作開的印刷佬食飯,講開我買樓準備結婚,佢即時話﹕「叻仔,今時今日唔駛靠老豆老母,自己上到車。」印刷佬年紀做得我老豆,平時做嘢總帶住幾分長輩對晚輩的態度,自從知道我買樓後,感覺到佢態度係有唔同,多咗份之前無的敬意。印刷佬的反應係一個例子,有長輩和朋友知道我買樓後,態度都有改變,雖未去到前倨後恭,但多咗份之前無的尊重,特別係年紀比我細的朋友,佢哋覺得今時今日買到樓係一個成就,會覺得我已經上咗岸唔駛憂。

好多人覺得買到樓係有錢的表現,我明白大家點解咁諗,香港人太習慣睇錢做人,社會風氣好多時以錢去衡量一個人的成就,只要你有錢,你就係叻人,套用到買樓上,無論你係在今日瘋狂的樓市下置業,或者早前買落也好,都證明你有一定的財政實力,在香港社會凡事講錢的標準裏,你已是成功人士﹐只係作為過來人,我好誠懇同你講,買到樓唔等如有錢,買到樓只係借咗錢,重要係借咗好多錢,要還廿幾三十年,如果真係有錢就一炮過,邊駛問銀行借。

相關文章

家是生活的博物館

地從何來

自主前,請先自理

急住買樓定買債

急住買樓定急住買債

樓價升幅快過眨眼,我明白好多人擔心今日唔買,明日只會更貴,故寧可有買貴無買錯。我唔反對置業,只要自己能力應付到,在今日呢個環境,有自己物業始終勝過去租樓。只係眼見好多能力不足的人,急於衝入樓市,咁絕對係一個危機。


香港樓價貴絕全球,至於有幾貴,我唔係專家亦無數據分析,只能從自身經驗去講下,我4年前以四百萬買入現在的單位,4年後的今日已升至差不多六百萬,即是每年升幅約五十萬港紙。以前話買磚頭保值,而家買磚頭直頭升值,重要係你咩都唔駛做,就自然好似坐火箭咁升,都咪話唔神奇。

同髒神吹水時有傾下樓價高的現象,好多人話係土地問題。不過佢老人家就覺得係取消了租金管制的問題。有租管時,私人住宅的業主加租每兩年最多加你30%,不過自97年亞洲金融風暴後,政府為提振跌到殘的樓市而在98年取消了租管,從此業主加租再無限制,50%、100%,鍾意加夠200%亦可以。我有朋友租樓住,因為加租幅度大,每兩年搬一次,故他的家當盡量從簡,平時唔敢買太多嘢,怕搬屋時執餐死,就算租到新屋,好多家當亦懶得拆封,免得下次搬時再執。他的遭遇可能係唔少香港租客的縮影。1998年距離而家都十幾年,其實政府應否考慮重置租管呢?畢竟有租管時,租務市場與置業市場是分開的,你可以邊租屋邊打算,生活環境也不會因為大幅度加租而受影響,到有錢先考慮置業。

我認同髒神的睇法,記得細時的親戚係租樓住多,大家見面亦好少講買樓。就算買都要左計右計,人人話今日置業難,以前置業都唔係易事。聽長輩講,80年代買層幾百呎的樓幾十萬可以有交易,在今日睇呢個當然唔係咩大數目,只係放回以前的人工,我阿媽做工廠賺得果二千幾蚊一個月,幾十萬樓價就係天文數字。而以前買樓的息口係十幾厘計,絕非今日的低息可比,故話今日買樓難,以前一樣無咁易。正因為買樓唔易,故以前的人唔急住買,到今日買樓難度依舊,反而唔少人心急要做業主,尤其好多後生仔,一出社會做嘢就講要置業,有必要咁急嗎? 我認為同傳媒有多少關係,而家好興講個人空間,只要可以自成一角,再細的空間都無問題。記得未興劏房前,係講住板間房,其實兩者的尺寸係差不多,不同地方係板間房無獨立廚廁,需要幾戶人共用廁所及廚房,故住客們需要互相遷就,呢個居住環境話無拗撬就假,不過亦肯定有相處融洽的例子,細時睇電視劇都見唔少呢類橋段,幾戶人住板間房,食飯時一齊出大廳食,之後坐埋一齊睇電視吹水,都幾熱鬧。反觀而家的劏房,各種劏法都有,最正莫過於廁所上面係床。住呢種劏房個人空間係有,不過代價係隨時聞到屎味,到底值定唔值呢?

樓價升幅快過眨眼,我明白好多人擔心今日唔買,明日只會更貴,故寧可有買貴無買錯。我唔反對置業,只要自己能力應付到,在今日呢個環境,有自己物業始終勝過去租樓。只係眼見好多能力不足的人,急於衝入樓市,咁絕對係一個危機。「成功靠父幹」,唔少人特別係後生仔,在父母的支持下成功上車,父母愛鍚仔女的心無須質疑,只見佢哋一係加按自己的物業,或者攞養老金出來幫仔女支付首期就知。問題係供樓最重要係咩?一個穩定的工作環境及收入,以應付廿幾甚至三十年的按揭還款,還款係每個月還,唔會有假期畀你抖下。我無意貶低後生仔,只係好多後生仔剛出社會工作,職業生涯隨時有變,連帶影響收入。當經濟狀況出問題時,難道去向父母求救?佢哋又救得多少次呢?父母在出手幫仔女上車前,應否三思送給仔女的既是個安樂窩,同時是條長命債呢?

相關文章

家是生活的博物館

地從何來

自主前,請先自理

 

第25集 有樓有成就?

曾經的一句有樓有高潮,引起唔少人的討論與批評,其實有樓何止有高潮,今天直頭唔少人視有樓為有成就的像徵。住屋固然重要,房屋問題亦困擾唔少香港人,但買到樓等如有成就,這種心態與想法是否狹窄了一點?我哋唔會離地到視現實問題於不顧,不過人生漫漫長路,若只著眼於區區置業的問題,會否有點浪費呢?


第十七集 一屋激起千層浪(香港篇)

今集髒神將以過來人身份,分享他在90年代買樓時的經歷,由年利率講到供樓方式,以至單位的升值情況,既回答了Dayco 他們在上集提出對香港住屋問題的疑惑,也來個今惜對比,讓部份不知道當年香港的朋友了解以前社會的情況。

住屋問題成了近年香港人解不開的死結,這個結既綁死了我們的經濟,更綁死了我們的思想,撇除政策與經濟因素,我們香港人自己,又有沒有責任呢?

更多內容,請留意今集。


 


 

相關節目﹕第十六集 一屋激起千層浪(廣州篇)

第十六集 一屋激起千層浪(廣州篇)

主持﹕Dayco,JK
嘉賓主持﹕Nico,  Ben,  雞口


 

「今日樓價又升咗」

「嘩,痴線,某某屋苑咁舊都咁貴」

「阿仔佢哋無錢,我咪攞埋棺材本出嚟畀佢做首期,再唔買就買唔到」

以上的說話,你總會無意間在街上或電視內聽到,相信大部份人的反應是﹕

「痴線」

只是不知何時開始,「痴線」已經常態化。買樓本是生活需要,現在卻多出了其他意義,例如成功人生的指標,或者是遙不可及的夢想。社會風氣把買樓吹捧到一個新的高度,令到人們不惜一切,都以上車為目標,只是「上車」後,就真的生活無憂,幸福愉快嗎?

買樓問題困擾著的不只是香港人,跟我們文化相近的廣州,其實也有相同的煩惱,今集由Dayco及JK,跟其他朋友們,分享一下他們面對的住屋壓力,除了大家都面對的首期問題外,國內的朋友們在買樓時還有什麼問題呢?更重要是,人生除了買樓以外,再沒有其他值得去做的事嗎?


 

Part 1

Part 2

 

 

第16集 當買樓成為嗜好(2)

客席主持﹕阿倫、雞口


繼續上集未完的部份,今集聽來,似乎跟嗜好風馬牛不相及,不過試想,當所有注意力都投入到置業,所有心思都放到如何做得少賺得多。社會可以有幾健康?主持們在節目內提到,香港人需要每事都有得著,而且是要最少時間換來效果,最快的方法督是買。人人都去買的嗜好,同質性自然高。

嗜好的趣味,在於鑽研,鑽研的過程中,才可以得到屬於自己、獨特的樂趣。香港生活壓力大是不爭的事實,既然壓力那麼大,我們不是更應該重視及尋找嗜好,去抒緩一下逼人的生活壓力嗎?


 

Part 1

Part 2

相關節目﹕

無明火起三千丈 第2集 生活苦悶,因為今天的社會太乖?

無明火起三千丈 第3集 廢青不廢

無明火起三千丈 第6集 要個病好,不如整幾劑文化試下

<<創意無咁易2.0>> 第1集 我是誰

第15集 當買樓成為嗜好

客席主持﹕阿倫、雞口
嘉賓﹕肥冼


今集是本節目最多人參與錄音的一次,歡迎新朋友肥冼一齊傾下偈,講下對社會現象的看法。

上集,繼續講嗜好,不過就不是講各位主持人的嗜好。而是從另一個角度切入——沒有嗜好的人生會如何。

香港人生活壓力大,為了餬口,很多時要放棄消閒活動。筆者都深受三餐一宿困擾,尤其住宿更是近年令香港人最頭痛的問題,看著坐火箭般上升的樓價,再回望蝸牛般速度上漲的薪水。加上傳媒不斷鼓吹買樓置業是成功人生的指標。今日不買,明日樓價又升多少多少。二手樓價不斷爆升,所謂上車盤就細兼貴。犧牲大量錢財及生活質素,換來這樣的「成功」人生,有誰會高興?

無人願意做無根浮萍,不過把買樓等同成功人生就絕對荒謬,為了置業,不惜放棄一切生活樂趣,成功上車後都只是對住四面牆,這樣的人生算幾成功?又有什麼樂趣?

我們不是鼓吹只顧眼前享樂而不理將來,只是希望透過今集的分享,請社會各界反思當下社會現象對人性的傷害。傳媒可否留點良知,在鼓吹買樓風氣前,想想對社會的影響。發展商在設計住宅時,可否顧及用家感受,而不是只考慮如何賺到盡?政府是否應重啟租務管制,解決燃眉之急。

今集節目比較長,下半部份將在下星期二 (7月11日)刊出,下星期見。


今集內容﹕

 

相關節目﹕

無明火起三千丈 第2集 生活苦悶,因為今天的社會太乖?

無明火起三千丈 第3集 廢青不廢

無明火起三千丈 第6集 要個病好,不如整幾劑文化試下

<<創意無咁易2.0>> 第1集 我是誰