標籤:電影

一心開二門—Joker

人性本善? 還是人性本惡? 這個話題討論多年,似乎也沒什麼題案,任何一方也沒有堅實的理由去說服對方。後來有種說法,人性是「無」,即無善惡之分,或者可說是善惡同體,視乎環境與遭遇,引出人性的那一邊。

今年話題作<<Joker>>,兩位主持都覺得主角小丑的設定正好符合了人性本「無」,戲內幾場殺人的情節,被殺者該殺與不該殺是剎那間的事,在乎主角一念間,他完全有自由意志去決定。

一套揭開人性本質的電影,睇與不睇,在你一念之間。


 

今集提到的電影包括﹕

  1. <Joker>>
  2. <<IT chapter 2>>
  3. <<The Dark Knight>>

 

 

《吉卜力電影重溫 X 動畫世界展覽》

Ghibli exhibition poster 2019_compressed

 

日本動畫大師宮崎駿的作品膾炙人口,現在有機會在大銀幕重溫啦!趁著「吉卜力動畫世界」來到香港舉辦展覽,於9月28日至10月20日期間,連續4個週末特別放映宮崎駿4套經典作品:《龍貓》、《魔女宅急便》、《幽靈公主》及《千與千尋》。除了可於大銀幕回味經典之外,更可憑電影票尾以7折優惠價購買「吉卜力動畫世界」現場門票,親身走進電影場景,延續動畫的震撼及感動。特別放映只設於MCL德福戲院公映8場,電影門票即日起公開發售,快點去搶飛喇!(詳情請向MCL德福戲院職員查詢。)

購票詳情

電影名稱 場次
《龍貓》 9月28日(星期六)4:00pm10月13日(星期日)4:00pm10月20日(星期日)4:00pm
《千與千尋》 10月6日(星期日)3:25pm10月19日(星期六)3:25pm
《幽靈公主》 10月5日(星期六)3:15pm
《魔女宅急便》 9月29日(星期日)3:45pm10月12日(星期六)3:45pm

第58集 真人show 到真實世界

之前一集<<無明火起三千丈>>提到 <<The Truman Show>>,今集就此講起,分享下一個人生活模式的形成到底是什麼影響,再由真人show 的節目,跳回現實世界,講講在真實生界中,人面對的種種問題。


 

今集提到的電影包括﹕

  1. <The Truman Show>>
  2. <<哭聲>>
  3. <<1942>>
  4. <<浴血圍城88天>>

第57集 彈多過讚的<<權力遊戲>>

fans 們引頸以待的<<權力遊戲>>終於播映完畢,唔少長年捧場的劇迷睇完後,大感失望,甚至破口大罵,話原來睇咗咁多年,去到最後先知自己睇緊「膠劇」,覺得好唔抵。外國的fans直頭採取行動,在網上聯署要求HBO 重拍最後一季….

罵聲多過掌聲的第8季<<權力遊戲>>,兩位主持睇完後都覺得有不足,不過成套劇,係咪又真係咁不堪呢?一齊聽下兩位的講法。


 

有得揀?原來係賣剩橙

「以為自己有得揀,原來係啲賣剩橙」。其實唔駛咁灰,法國國民公會宣言講過﹕「自由不是想做什麼,就做什麼;自由是教你不想做什麼,就可以不做什麼。」


「終於有番多啲戲可以揀」朋友阿傑嘆道。早前<<復仇者聯盟4>>上畫時,間間戲院差不多由朝播到晚,阿傑大呻無哂選擇。隨住<<復仇者聯盟4>> 熱潮佔退,鍾意入戲院睇戲嘅佢覺得一天光哂。其實有無<<復仇者聯盟4>>,戲院可供選擇的電影係唔多,再放大點睇,我哋的精神食糧好多時係被人篩選過、隔過渣。

打開各大戲院的網站,望落有唔少電影可以選擇,只係世上咁多電影,戲院內放映的只屬冰山一角,而且來源都幾狹窄,主要係荷里活的製作,夾雜部份中日韓電影,加埋港產片,很多產自其他地方的電影我哋都無法在戲院睇到,舉個例,<<關原之戰>>,一套2017年的電影,內容講述一場決定了日本歷史走向的戰爭,套戲我好想睇,可惜香港無上畫,反而台灣有。至於話來自俄羅斯丹麥巴西瑞典….甚至產自非洲的電影,香港的戲院唔多覺有。可能好多人覺得我打橫嚟講,香港有幾多人對上述地方的電影感興趣呢?我承認對此感興趣的人應該唔夠填滿海運戲院,但如果講到有絕對的選擇自由,係咪應該包羅萬有,而唔係只按市場標準去做篩選,揀過揀剩先畀我哋呢?

其實唔只電影,在香港,無論電視或雜誌,我們也沒什麼選擇自由,電視方面,只從永恒的亞視執笠後 (近年轉為網上電視),一台獨大的情況愈趨嚴重,想播咩就播咩,每晚黃金時段就是劇集劇集劇集,唔係話劇集唔好,都唔駛星期一播到星期七。每套劇的套路又來來去去差不多。記得細時睇劇好多過癮題材,好似講中國古代刺客的<<大刺客>>、講個傻佬要搞馬場的<<馬場大亨>>,講奇幻的<<大頭綠衣鬥殭屍>>,今日睇返,呢啲劇集製作未必係上乘,重可能有啲粗糙,但起碼橋段過癮,唔似而家唔係爭產就爭仔爭女,睇到人心煩。

行去報攤,雜誌看似選擇唔少,不過細心留意,好多唔係講炒股投資,就係吃喝玩樂,或者以尖酸刻薄、極盡挖苦的手法去爆名人明星的私隱,唔睇雜誌名,本本差不多。想睇比較有深度的文史哲內容,本地雜誌係無咩選擇。

「以為自己有得揀,原來係啲賣剩橙」。其實唔駛咁灰,法國國民公會宣言講過﹕「自由不是想做什麼,就做什麼;自由是教你不想做什麼,就可以不做什麼。」戲院電視台雜誌社在製作或選取內容時有市場考量,始終營運要成本,總無可能同錢作對,專走偏鋒。只係作為觀眾,我哋有權say no,事實好多人都做到,睇下重有幾多人睇大台咪知囉。更重要係我哋可以去尋找和開拓新渠道,前文講到的<<關原之戰>>,最後我在影碟舖訂咗隻台灣版,安坐家中一樣睇得過癮。識得揀,世上還有很多選擇,無必要畫地為牢,限死自己。當然要學識點揀係另一門學問,有機會先同大家分享了。

港產片收藏館-Cult movie HK

嘉賓﹕Alex & Punny


Cult Movie HK OG
Cult Movie HK 

大家對一般影音碟舖的印象,不外乎明亮的燈光,整齊的貨架,各式影碟唱片分門別類排好,此外可能還有一些影音的周邊產品賣,最普遍是耳筒及音箱。

今次雞口訪問的影音店,上述該有的都有,不過就沒有耳筒及音箱賣,但就多了種其他影音店少見的氛圍,以老闆們熱愛電影的心所營造出來,你可以全心全意在此享受電影的氛圍。

Cult Movie HK,創辦人是Alex 及 Punny,與其說此店是影音碟舖,個人認為更像是兩位個人收藏的展館。踏入店內,兩邊廚窗擺放的不是時下熱賣的影碟,而是兩位珍愛的的港產片海報與影碟,<<英雄本色>>、<<賭神>>、<<縱橫四海>>、<<武狀元蘇乞兒>>、<<最佳拍檔>>….每張海報象徵了港產片的黃金歲月,也突出了兩位對港產片的偏愛。深入舖內,各式新舊影碟整齊地排在木貨架上,另有唔少昔日港產片的海片供各位fans 選購。舖內深處更是別有洞天,擺放著兩位精心挑選的古著及黑膠唱片。幾款貨品結合起來,突出了店主們對舊日電影熱愛的情懷,也營造了一個充滿電影感的氛圍,各位fans 可在當中慢慢搜尋自己所愛,當然也可以請店主們幫手,兩位非常樂於跟顧客們吹水,交流欣賞電影的心得。

今次訪問,將由兩位的收藏講起,慢慢講到舖頭所走的路線,繼而講到社會現狀對影音店生存空間的影響,當中也有講到兩位對港產片之後發展的期望。


 

訪問內容

香港印象、影象、萬象

 

20190411-香港印象

跟以前相比,港產片現在絕對談不上發展蓬勃,可是在國際影壇上,港產片肯定佔有一席位,無論在題材上或是拍攝上,港產片都有著無可比擬的影響力。港式動作片及警匪非曾經瘋靡全球。港產片的「吊威也」的技巧,對荷里活電影的攝製有一定啟發。

港產片可說是香港的一張身份證,它像徵著香港獨特的文化,可能好多人從未到過香港,但就會睇過港產片,他們對香港的印象,就是源自港產片的某些片段。

今次活動,我們邀請了一班插畫師,分享一下港產片給了他們一個怎樣的香港印象,在他們畫筆下的香港,跟我們日常見慣的有什麼分別呢?

第56集 復仇者的牽掛

全球期待的<復仇者聯盟4>終於上畫,兩位主持已經睇咗,不過知道好多人仍然未睇,故今集全無劇透,咁有咩好講呢? 留返大家慢慢聽。

4月除了<復仇者聯盟4>外,劇集<權力遊戲>也進入終局之戰,去年兩位主持已對此劇讚不絕口,新一季播了兩集,兩位主持又有咩睇法呢?


 

相闔節目﹕

復仇者聯盟世界內的邏輯

復仇者聯盟世界內的邏輯 (廣州朋友篇)

 

第55集 追夢到底-新喜劇之王

<<電影無咁易>> 正式改名為 <<睇戲有幾難>>,雖然改咗名,但節目仍然集中講下電影如何影響兩位主持人對人生的睇法,亦會講多點關於睇戲的文化,務求全方位跟大家分享睇戲的樂趣。

在剛剛過去的農曆新年有唔少電影上映,兩位主持都睇咗當中的<<銃夢>>及好多人討論的<<新喜劇之王>>,作為年頭矚目電影,<<新喜劇之王>>引起唔少人的討論,當中有好有壞,至於兩位主持就一齊畀like,到底佢哋點睇呱套講追夢到底的故事?呢個故事對佢哋的人生又帶來咩影響呢?

請留今集內容。


今集提到的電影包括﹕

  1. <新喜劇之王>>
  2. <<銃夢>>
  3. <<證人>>

第54集 聖誕睇 Die Hard

客席主持﹕肥冼

聖誕節無論成班朋友圍埋開party,定情侶夫婦拍拖,甚至一個人宅在屋企,睇戲都係一個適合的選擇,同聖誕節有關嘅電影有唔少,點解3位主持偏偏抽套<<Die Hard>> 出嚟講呢?因為個故事發生在12月24日,定係有其他原因?

詳細內容請大家留意節目啦,順便祝大家聖誕快樂。


 

 

今集提到的電影包括﹕

  1. <Die Hard>>
  2. <<Taxi Driver>>
  3. <<The Six Sense>>
  4. <<Twelve Monkeys>>
  5. <<Village>>