標籤:生活

中秋節2023 @香港


一年容易又中秋,舊年中秋節,我哋就去咗深水埗,睇下香港賣燈籠嘅地方,而今年中秋節,我哋就去唔同嘅公園睇下花燈佈置。今次我哋就去咗維多利亞公園及愛秩序灣公園。

借這條片,祝大家中秋節快樂。

閒話休講,去片。

第64集 咩係困境? 一定係自己出問題先叫困境?

「人生秒秒都有困境,其實同你所處的年代無關」

困境幾時都有,那怕由出世開始,直到離開人世的一刻,困境都無處不在,讀書交友工作愛情婚姻育兒創業退休到籌備棺材生地….全部事情,都可以令人陷入困境,而上述事情,無論任何年代或者人種,都會面對。可能有人覺得現代人困境特別多,諗深一層,會否係錯覺呢? 在以前科技唔發達的時代,我哋接觸到的多數係身邊人,見到嘅都係佢哋的經歷。至於傳媒,不外報紙雜誌加電視,資訊接收量遠不及今日。加埋現在社交媒體異常發達,近乎緊貼我們生活每一步,大家一有咩事就update 自己狀況,好又講唔好又講,大家睇多咗,就產生咗錯覺,以為現在困境特別多。

所以話,社會變,生活型態變,人的思想也隨之改變,如何在變中保留自我,尤其是保持思維清晰,就非常重要。

講開困境,除咗個人問題或者遭遇外,好多時身邊人發生的事情,都可能令人陷入困境,例如屋企有人染病,需要照顧。那種情況令人非常無奈﹕明明並非自己行差踏錯或做錯決定,卻偏偏因為他人問題而令自己陷入困境,然而,有時人生就係咁。

雖然今集講困境,但就絕無負能量,反而想借此同大家打打氣,共勉之。

聽完今集後,如果共鳴或者異議,歡迎到時PM 我哋。


 

Part 1

Part 2

 

相關內容﹕

我都係想過簡單生活啫
咩係窮? 窮人係咪真係無咩選擇?

 

第63集 短訊綑綁人生

今集講下你我他都會用的手機即時通訊應用程式,它的發明,大大減輕咗即時回覆的壓力,見到短訊後,可以想清想楚,有時間時再慢慢回覆,不過就偏偏有人被佢綁架咗,變成即時通訊程式的奴隸。


行出街不時可以見到「低頭族」,佢哋可能在忙睇片或者打機,亦有一部份在覆訊息,的確,香港地搵食艱難,有時工作需要,分秒必爭下,有訊息係要盡快回覆。不不過有部份人覆訊息,其實只在忙於 group chat,而group chat 的內容,可能係可有可無的吹水內容,甚至隨時係自說自話,彼此間的根本「溝通」沒有交集。不過為咗在群內刷存在感,一定要覆得夠快,甚至語不驚人死不休。令到本來方便溝通的即時通訊應用程式,反過來支配了用家,時時刻刻都怕錯過短訊,唔㩒下個手機就唔安樂。做人到這種地步,又點會安樂呢?

 

 

第62集 咩係窮? 窮人係咪真係無咩選擇?

「鬼叫你窮,做嘢啦」

香港地,生活指數之高,全球數一數二,好多人為三餐日做夜做,隨時連星期六日都要做,都咪話唔捱到金睛火眼,不過開講有話,鬼叫你窮,頂硬上。

然而咩叫窮呢? 係咪單純無錢就叫窮呢? 咁究竟無錢到咩地步先叫窮呢? 畢竟人人生活條件同要求唔同,有人食慣嘆慣,偶然食一餐快餐店都想死﹔有人就慣咗餐餐粗茶淡飯,突然間有日可以去快餐店,食個鐵板豉油西餐,感覺開心過上天。因此每個人對窮的理解都唔同。

可能有人會覺得好灰,受生活壓力所逼,覺得自己好窮,又覺得做人無咩選擇。然而係咪窮人真係無得選擇呢? 「窮」係恆數,還是變數呢?

講窮講有錢,講人生有得揀抑或無得揀的一集,你會揀聽定唔聽呢?


Part 1

Part 2

相關內容﹕

我都係想過簡單生活啫

 

第九集 80年代的不便之處 (3)

每個年代,都有其不便的地方,那怕是被稱為美好的80年代,也有其不便之處。


80年代,是很多人心中的 good old days,然而這個美好的年代,也有其不便的地方,之前兩集,兩位主持就分享過他們經歷過的不便,聽聚朋友們對此深感共鳴,既然講和聽的都覺得過癮,就索性講多一集。

今日香港的交通,十分便利,出門預時間算容易。在80年代時,地鐵線路的覆蓋面不如今日,市民出街,多數倚賴地面交通,而巴士就是主要的公共交通工具,偏偏當時香港島的巴士,由班次,以至車廂的衛生程度,均達到「一流」水平,至於有幾一流,留給大家慢慢聽。

今時今日,香港道路網再發達,仍然難逃塞車的情況,特別是某些路段,繁忙時間塞起車來,都幾令人頭痛,只不過對比80年代的情況,又是另一回事。簡單講,由筲箕灣經英皇道出銅鑼灣,要坐個半鐘車….

更多關於80年代的不便,留給大家慢慢收聽,看看能否引起各位更多共鳴。


 

Part 1

Part 2

 

相關節目﹕

80年代的不便之處

80年代的不便之處 (2)

 

第八集 80年代的不便之處 (2)

繼續講80年代,正如之前的集數提到,80年代的香港,有其美好的一面,同時間亦有很多不方便的地方,這些不方便,有部份原自科技的不發達,亦有部份是與社會的發展有關,具體細節不在此詳談,留給大家慢慢聽。

正如主持們在節目內提到,每個年代都有其方便和不便的地方,就算在科技發達的今日,仍然有其不便之處,這些種種,就是時代的印記。


Part 1

Part 2

相關節目﹕

80年代的不便之處 (3)

 

第七集 校園生活搞邊科 (2)

上集未完部份,兩位主持繼續分享校園時代有咩好玩。今日聽來,這些校園玩意有點無聊,不過這些玩意,是某些朋友的集體回憶,再放大去看,也是當年香港社會生活的一部份。這些玩意,有部份在今日仍然流行,亦有一部份隨時年月流逝而消失。

有機會的話,也想聽聽屬於大家的校園玩意。


 

Part 1

Part 2

 

相關內容﹕第六集 校園生活搞邊科

第六集 校園生活搞邊科

香港地,差不多人人都要讀書返學,校園生活,可說佔了我們人生一個重要部份,你╴還記得返學的歲月嗎?


返學,除了讀書,當然就是玩,至於玩什麼,個個年代的人不同,今集節目,兩位主持將帶大家跳入時間蟲洞,重溫一下他們的校園生活有咩好玩。

返學,就一定要穿校服,一般人對校服的理解,自然是盡量簡單樸素,不要標奇立異,畢竟這樣才符合學生的形象,然而總有學生喜歡在校服上做手腳,在規則中找罅隙,為平凡的校服加上個人氣息,兩位主持們將分享下以前的經歷,講下如何由衫褲鞋襪方面做功夫,去令到平凡的校服可以突破界限,趕上潮流。

關於更多校園趣事的分享,請聽今集。

Part 1

Part 2

 

第五集 80年代的不便之處

「記憶,永遠是甜美的」

很多人會說 80 年代是個good old days,對此緬懷不已,撫今追昔,回望過去,80年代確實有其可愛與獨特之處,只不過是否完全無懈可擊,毫無缺點呢?

讚好80 年代,很多人已經做過,今集兩位主持就試試從另一角度,講下80年代的不便之處,無論在交通、衛生、治安,以至於去海外旅行,80年代的香港都有其不便的地方,而這些局限,放在今日是難以想像。

今集節目絕非唱衰80年代,畢竟兩位主持都在那個時空生活過,親身體驗到當時的社會狀況,只是想透過今次的分享,講出當時的社會氛圍與今日的分別。

不知你心中的80年代又是怎樣,歡迎與我們分享。


 

Part 1

Part 2

 

相關內容﹕ 

80年代的不便之處 (2)

80年代的不便之處 (3)

 

第四集 經典流行曲初聽時

每個年代都有流行曲,這些流行曲影響了一代代人,製造了每一代的集體回憶,今集蟲洞,將跳回以前的香港,講下當時的流行曲現象與社會氛圍,稍稍做個今昔對比,看看與現在有何分別。


 

Part 1

 

Part 2