當年在電視機前的我們，或許未曾想過，這份師徒情仇會在廿載後迎來終章。

這部電影最迷人的，莫過於它給予了我們兩種截然不同的想像。其中一個結局，項少龍選擇隨浪而去，那種似真還假的歷史感，彷彿與徐福東渡的傳說重疊，精妙地勾勒出原著中那種「借用歷史、重塑時空」的醍醐味。這種浪漫，是將個人命運消融在歷史長河裡的孤高與遼闊。

而另一個回到現代的結局，則溫暖得讓人釋懷。它撫平了穿越者身處異鄉的漂泊感，讓一切重回圓滿。這份溫馨的團聚，是給予所有陪伴這對師徒多年的觀眾，一份最溫柔的慰藉。

不管他最後身在何處，這場橫跨二十年的旅程，終於在大銀幕上完整了。

今晚，我們不談穿越的邏輯，只想聊聊這場遲來的重逢，以及那兩個藏在歷史與現實縫隙中的浪漫結局。

在最新版的《科學怪人》裡，我們看見了一個由「無」而生的靈魂。他從墓穴與實驗室的殘骸中七拼八湊而成，成了這世上唯一、也是最後的一個異類。他擁有心，卻注定無法融入這個世界；他擁有不死之軀，卻也因此被判處了永無止盡的孤獨。

那種說不出口的痛苦，是即便看透了世間繁華，卻永遠只能站在邊緣觀望的絕望。

而這場悲劇的起點，僅僅源於一份過於熱衷的執念。

那位醉心於研究的創造者，在追求科學巔峰的路上，只看得見成功的曙光，卻忽略了結果背後的深淵。他一心一意想完成那項前所未有的壯舉，卻在生命跳動的那一刻才驚覺，自己創造出的是一個無法收場的災難。

當熱衷變成了盲目，當結果變得不可收拾，後悔就成了最無力的回音。

今晚，我們不只聊這部科幻經典的重生，更想討論那份跨越百年的存在焦慮：關於那種永恆的孤單，以及那些一旦開啟就再也無法挽回的人生轉捩點。

那一年，杜琪峯用一整座尖沙咀的黑夜，為我們編織了一個既冷冽又浪漫的夢。回望二十多年前，那種午夜街頭湛藍與昏黃交錯的燈光，對當時的我們來說，與其說是警匪片的佈景，倒不如說是一場屬於成年人的黑夜探險。

在那個沒有路人的街道上，PTU 成員們的步履，不像是法治的執行者，更像是一群在原始森林中潛行、尋找出口的動物。他們在鋼鐵森林裡屏息以待，每一次電筒光束的閃爍，都是對未知的試探。

二十年過去了，載體從 VCD 變成了 4K 數碼修復，我們也從少年走進了中年。但只要那首清冷、帶著金屬敲擊聲的配樂一響起，我們彷彿又回到了那條空無一人的廣東道。這一次，我們不聊劇情反轉，只想聊聊那份純粹的黑夜氛圍，以及那群在城市森林裡，孤獨而真摯的探險者。

當都市傳說，終於走到現實，隨著揭開重重面紗，傳說就唔再係傳說，再無神秘光環加持時，批評就會接種而來。

耗時8年製作，投資高達4億港元，不惜工本搭建出一個一比一的銅鑼灣實景來拍攝，演員陣容星光煋煋，講得出嘅中港台明星，應有盡有，如金城武、劉青雲、古天樂、梁家輝、任賢齊、高圓圓、杜德偉…….等等。由麥浚龍執導的電影《風林火山》終於搬上大銀幕，與各位見面。

電影公演後，看過電影嘅觀眾，大致分為三類人﹕一係愛到發燒，一係就彈到無倫，一係就無可無不可。主持人髒神作為電影發燒友，自然不能錯過今次電影盛會，而他的觀後感，主要就係﹕「顏色唔黑，劇情唔難明」。

至於更多具體嘅分享，請收聽今集。

由大鵬編劇及執導嘅《長安的荔枝》，喺香港宣傳時，以「社畜為求生，挑戰不可能」做標語。驟眼睇，以為又係傳統套路：即係官場欺壓，一級壓一級，借呢個故事反映官場有幾黑暗。

的確，就算主持人之一嘅雞口，一開始都以為套戲係向呢個方向行。不過另一位主持髒神就有另一個睇法：如果將戲裡面從未出現過嘅皇帝，換轉成市場，其實又會係另一種感覺。

好多時市場無所謂合唔合理，你做到符合市場要求，成功嘅就係你。咁講好似好殘忍，難道為咗搵食，就要飽受折磨，為五斗米折腰？Sorry，討論重點唔喺度。撇除道德，唔講work-life balance，你跟到市場行，你就係王。舉個例，今時今日喺香港要買到外國生果好易，其實背後涉及大量物流同運輸，你話做嗰個煩唔煩，多唔多嘢搞？將同樣情況，搬返去《長安的荔枝》，或者你會睇到唔同嘅嘢。

更多分享，請收聽今集。

與第一集相隔4年，《殺神Nobody 2》終於上畫，繼續由卜奧登科克 (Bob Odenkirk)擔崗主角，呢位披著住家男人外衣嘅殺神，沿襲上集打到爆嘅風格，打到由莎朗史東(Sharon Stone) 統領嘅犯罪組織徹底崩潰。

兩位主持一致認為今集娛樂性十足，一向以娛樂為先嘅雞口認為，今集電影絕對是「娛樂性先行」的勝利之作！節奏明快、動作連場，完全滿足觀眾追求刺激與爽快的需求，睇完後心情非常舒爽。

而髒神雖然認為今集都過癮，不過佢認為上一集的打鬥場面設計更細緻、更有層次。他更點出主角的報復行為「太過火」 (並非道德L 上身，詳細原因請留意節目內容)。這種「為做而做」的劇情發展，是否真能說服觀眾？

除了動作與娛樂性的辯論，節目更深入探討電影背後的核心議題：人應該順性而為，還是壓抑自我以適應生活？

主角擁有極易招惹危險嘅個性，為了家庭與平凡生活一忍再忍，但當底線被觸碰，釋放出來嘅破壞力卻一發不可收拾。這種「忍無可忍、無須再忍」狀態，是否值得？代價又如何衡量？

歡迎收聽今集。

《殺神John Wick之芭蕾殺姬》—— 呢套《殺神》宇宙新作，由安娜迪艾瑪絲（Ana de Armas）演出殺神宇宙內嘅新角色，秉承殺神傳統，女主角當然打得，只不過男女有別，電影就突出到「女人打交蝕底在氣力」呢個現實，亦將佢變成電影內重要賣點，同John Wick 唔同，女主角經常被對手重擊倒地，因此只見佢在戲內要用盡身邊所有可用嘅武器，除咗各式槍械炸彈，連榴冰鞋都用埋，以各式諗到或者諗唔到嘅方法示範如何擊殺敵人，令電影內暴力與血腥指數爆燈。

作為殺神系列，又點少得John Wick 出場，雖然由奇洛李維斯飾演的尊·韋克出場時間唔多，不過相信已經滿足到唔少Fans 嘅情懷。

電影本身娛樂性就十足，不過電影海報就真係麻麻，女主角嘅妝容實在太濃豔，造型反而不及戲內近乎無妝般好睇。

更多內容，請收聽今集。

在港產片嘅黃金年代，點解港產片咁好睇？唔靠CG，唔靠文青對白，好多時係靠一班有心人去捱：劇本台詞句句度到最盡，動作玩命都照做，正正係呢種去到盡，唔怕捱嘅精神，創造了港產片嘅輝煌。2024年嘅電影《武替道》，由梁冠堯和梁冠舜執導，董瑋這位老牌動作指導擔綱演出，配合伍允龍及劉俊謙等演員一起演出，將呢種非一般肯捱肯搏嘅香港精神再次擺上大銀幕，睇完你會問：「而家仲有冇人肯咁拍戲？」

「香港精神？捱出嚟嘅，唔係講出嚟嘅」

《武替道》係講替身及動作演員嘅故事。由董瑋飾演嘅動作指導，做事認真要求又高，為咗件事，可以唔理人情世故，甚至過咗火位。而家睇返，可能覺得「黐線」，但冇呢種癲狂，又點會有港產片曾經嘅輝煌？ 而董瑋呢個角色，一定程度上亦反映咗香港人當年對工作嘅程度。

「而家仲要娛樂片？」 

現代人睇戲，好多時要套戲有嘢講，要有反省，彷彿一定要喺電影內有所得有所講，先有意義，簡單而言，就係要有「深度」，然而電影本來嘅娛樂性，似乎被忽略了。以前嘅港產片，好多都冇話教做人，冇社會批判，純粹令你要睇得開心過癮，《武替道》董瑋嘅角色，就係想將呢種樂趣帶畀大家。而今時今日，當大家話港產片已死時，其實有無想過，自己到底想要嘅係娛樂片，定係一套套社會記實的紀錄片？

更多分享，請聽今集。

阿諾舒華辛力加給人的型像硬朗鐵血，不過其實佢都有鐵漢柔情嘅一面，好似由90年代嘅《真實謊言》 (True Lies)，到現在的《FUBAR》，佢都演繹咗一位剛中帶由嘅間諜，而且呢位鐵血戰士愈來愈貼地！

做特工都要面對「中佬危機」：《真實謊言》瞞住老婆拆核彈，《FUBAR》仲慘，退休阿爸要救女兼修補父女關係。原來英雄都會畀個女話「老土」！

睇住阿諾由《未來戰士》機械人變白鬚阿爸，同其他動作巨星一樣，隨住歲月流逝，當年嘅銀幕英雄，開始漸見老態，好多人係睇住佢哋演出成長，睇住佢慢慢變老，自己年紀亦漸大，呢種感覺，親切得嚟，又帶點唏噓。

今集同你笑住睇阿諾嘅家庭鬧劇，多謝收聽。