同髒神夾住做嘢經常有爭執，無論生意或創作上，好多時佢否決我某啲決定或想法時，都指出我有「我覺得係就係」嘅問題，通常佢一咁講我就扯火，我梗係咁諗先同你講啦，唔係講嚟做咩，在情緒主導下，個焦點就轉咗去討論我點諗嘢嘅思路上，莫視咗本身要討論嘅事情。

「做人無須要在乎其他人嘅諗法，最緊要係堅持做返自己」喺傳媒大力渲染下，呢種想法逐漸滲入到大眾嘅骨髓，有堅持唔係唔好，只係當堅持變成固執，完全聽唔入其他人嘅講法時，做人就會流於偏頗。或者大家有類似經驗﹕面對一啲有佢講無人講嘅人係幾頭痛同煩厭，佢哋永遠覺得自己講嘅係不容挑戰嘅真理，寸步不讓。好似社會上一班成日將公義掛喺口邊嘅人，維護公義無問題，不過一定要按佢哋個標準做，因為佢講嘅係真理，其他人講就係歪理，故一項都不能改，在大是大非或原則性上嘅事係有絕對標準，只係落到具體執行上，係咪真係有絕對標準呢？以民主國度自詡嘅美國，個總統選舉制度係咪一人一票嘅絕對民主？特朗普當選已經畀咗個示範大家睇。又以懲治毒犯為例，有啲國家無情講，一定判死刑，甚至菲律賓總統早兩年時曾批准警察在捉拿毒犯時，如發覺有嫌疑，可以當場開槍射殺。有啲國家就選擇將毒犯判監，刑期視乎嚴重程度而定。上面嘅處罰方式令犯毒者得到應有懲罰，無話邊種最恰當。

堅持唔等如不變，適時聽下人講，自己再細心思考同消化下，合用嘅就用嚟改進下自己，無損個人堅持，諗過度過真係唔啱駛咪當聽下囉。條條大路通羅馬，做人太過一根筋，拘泥於自己嗰套，食檸檬嘅往往係自己，因為你堅持時人堅持，所以你永遠不會獲他人接納，畢竟世事無絕對，只有真情趣。

在全世界都在乎什麼是公義時，英雄只在乎自己能做到什麼。

深受小津安二郎和三島由紀夫影響的編劇Paul Schrader，創造了一個有血有肉，亦正亦邪的另類英雄，與Martin Scorsese一起呈現出一個不只為公義，而是要面對自己問題的真英雄。