《殺神John Wick之芭蕾殺姬》—— 呢套《殺神》宇宙新作，由安娜迪艾瑪絲（Ana de Armas）演出殺神宇宙內嘅新角色，秉承殺神傳統，女主角當然打得，只不過男女有別，電影就突出到「女人打交蝕底在氣力」呢個現實，亦將佢變成電影內重要賣點，同John Wick 唔同，女主角經常被對手重擊倒地，因此只見佢在戲內要用盡身邊所有可用嘅武器，除咗各式槍械炸彈，連榴冰鞋都用埋，以各式諗到或者諗唔到嘅方法示範如何擊殺敵人，令電影內暴力與血腥指數爆燈。

作為殺神系列，又點少得John Wick 出場，雖然由奇洛李維斯飾演的尊·韋克出場時間唔多，不過相信已經滿足到唔少Fans 嘅情懷。

電影本身娛樂性就十足，不過電影海報就真係麻麻，女主角嘅妝容實在太濃豔，造型反而不及戲內近乎無妝般好睇。

更多內容，請收聽今集。

自2014年開始，由奇洛李維斯 (Keanu Reeve) 主演的 《殺神》 (John Wick) 電影系列，來到 《殺神John Wick 4》 (“John Wick: Chapter 4” ) 終於上演大結局，最後一集，除了原班人馬包括酒店經理「榮士敦」伊恩麥聖（Ian McShane）、酒店禮賓部接待員「卡隆」蘭斯列迪克（Lance Reddick）、紐約地下組織「暴威會話事人」羅蘭士費斯賓（Laurence Fishburne），還加入了大量巨星客，例如真田廣之和甄子丹，演員陣容夠晒豪華。

殺神系列，向來以動作演出著稱，包括主角 John Wick 在內，大部份角色都能以流暢的動作，去演出高難度的打鬥技巧，每次都睇到人嘩嘩嘩聲，去到最後一集，這部份再次升華，製作團隊像向自己提出各種難題般，在各種複雜的場景內設計打鬥，例如在車來車往的巴黎凱旋門、多人眾集的派對場地….等等地方開戰，角色們除了要有純熟的打鬥技巧外，更要用盡環境因素去對付敵人，作為觀眾，實在睇得好過癮。

作為香港地區的觀眾，今集殺神內部份場口特別容易引起大家共鳴，給大家提供了額外的觀影樂趣。

一齊來聽聽主持們對殺神電影系列的睇法。

Part 1

Part 2