當都市傳說，終於走到現實，隨著揭開重重面紗，傳說就唔再係傳說，再無神秘光環加持時，批評就會接種而來。

耗時8年製作，投資高達4億港元，不惜工本搭建出一個一比一的銅鑼灣實景來拍攝，演員陣容星光煋煋，講得出嘅中港台明星，應有盡有，如金城武、劉青雲、古天樂、梁家輝、任賢齊、高圓圓、杜德偉…….等等。由麥浚龍執導的電影《風林火山》終於搬上大銀幕，與各位見面。

電影公演後，看過電影嘅觀眾，大致分為三類人﹕一係愛到發燒，一係就彈到無倫，一係就無可無不可。主持人髒神作為電影發燒友，自然不能錯過今次電影盛會，而他的觀後感，主要就係﹕「顏色唔黑，劇情唔難明」。

至於更多具體嘅分享，請收聽今集。

由大鵬編劇及執導嘅《長安的荔枝》，喺香港宣傳時，以「社畜為求生，挑戰不可能」做標語。驟眼睇，以為又係傳統套路：即係官場欺壓，一級壓一級，借呢個故事反映官場有幾黑暗。

的確，就算主持人之一嘅雞口，一開始都以為套戲係向呢個方向行。不過另一位主持髒神就有另一個睇法：如果將戲裡面從未出現過嘅皇帝，換轉成市場，其實又會係另一種感覺。

好多時市場無所謂合唔合理，你做到符合市場要求，成功嘅就係你。咁講好似好殘忍，難道為咗搵食，就要飽受折磨，為五斗米折腰？Sorry，討論重點唔喺度。撇除道德，唔講work-life balance，你跟到市場行，你就係王。舉個例，今時今日喺香港要買到外國生果好易，其實背後涉及大量物流同運輸，你話做嗰個煩唔煩，多唔多嘢搞？將同樣情況，搬返去《長安的荔枝》，或者你會睇到唔同嘅嘢。

更多分享，請收聽今集。

與第一集相隔4年，《殺神Nobody 2》終於上畫，繼續由卜奧登科克 (Bob Odenkirk)擔崗主角，呢位披著住家男人外衣嘅殺神，沿襲上集打到爆嘅風格，打到由莎朗史東(Sharon Stone) 統領嘅犯罪組織徹底崩潰。

兩位主持一致認為今集娛樂性十足，一向以娛樂為先嘅雞口認為，今集電影絕對是「娛樂性先行」的勝利之作！節奏明快、動作連場，完全滿足觀眾追求刺激與爽快的需求，睇完後心情非常舒爽。

而髒神雖然認為今集都過癮，不過佢認為上一集的打鬥場面設計更細緻、更有層次。他更點出主角的報復行為「太過火」 (並非道德L 上身，詳細原因請留意節目內容)。這種「為做而做」的劇情發展，是否真能說服觀眾？

除了動作與娛樂性的辯論，節目更深入探討電影背後的核心議題：人應該順性而為，還是壓抑自我以適應生活？

主角擁有極易招惹危險嘅個性，為了家庭與平凡生活一忍再忍，但當底線被觸碰，釋放出來嘅破壞力卻一發不可收拾。這種「忍無可忍、無須再忍」狀態，是否值得？代價又如何衡量？

歡迎收聽今集。

《殺神John Wick之芭蕾殺姬》—— 呢套《殺神》宇宙新作，由安娜迪艾瑪絲（Ana de Armas）演出殺神宇宙內嘅新角色，秉承殺神傳統，女主角當然打得，只不過男女有別，電影就突出到「女人打交蝕底在氣力」呢個現實，亦將佢變成電影內重要賣點，同John Wick 唔同，女主角經常被對手重擊倒地，因此只見佢在戲內要用盡身邊所有可用嘅武器，除咗各式槍械炸彈，連榴冰鞋都用埋，以各式諗到或者諗唔到嘅方法示範如何擊殺敵人，令電影內暴力與血腥指數爆燈。

作為殺神系列，又點少得John Wick 出場，雖然由奇洛李維斯飾演的尊·韋克出場時間唔多，不過相信已經滿足到唔少Fans 嘅情懷。

電影本身娛樂性就十足，不過電影海報就真係麻麻，女主角嘅妝容實在太濃豔，造型反而不及戲內近乎無妝般好睇。

更多內容，請收聽今集。

在港產片嘅黃金年代，點解港產片咁好睇？唔靠CG，唔靠文青對白，好多時係靠一班有心人去捱：劇本台詞句句度到最盡，動作玩命都照做，正正係呢種去到盡，唔怕捱嘅精神，創造了港產片嘅輝煌。2024年嘅電影《武替道》，由梁冠堯和梁冠舜執導，董瑋這位老牌動作指導擔綱演出，配合伍允龍及劉俊謙等演員一起演出，將呢種非一般肯捱肯搏嘅香港精神再次擺上大銀幕，睇完你會問：「而家仲有冇人肯咁拍戲？」

「香港精神？捱出嚟嘅，唔係講出嚟嘅」

《武替道》係講替身及動作演員嘅故事。由董瑋飾演嘅動作指導，做事認真要求又高，為咗件事，可以唔理人情世故，甚至過咗火位。而家睇返，可能覺得「黐線」，但冇呢種癲狂，又點會有港產片曾經嘅輝煌？ 而董瑋呢個角色，一定程度上亦反映咗香港人當年對工作嘅程度。

「而家仲要娛樂片？」 

現代人睇戲，好多時要套戲有嘢講，要有反省，彷彿一定要喺電影內有所得有所講，先有意義，簡單而言，就係要有「深度」，然而電影本來嘅娛樂性，似乎被忽略了。以前嘅港產片，好多都冇話教做人，冇社會批判，純粹令你要睇得開心過癮，《武替道》董瑋嘅角色，就係想將呢種樂趣帶畀大家。而今時今日，當大家話港產片已死時，其實有無想過，自己到底想要嘅係娛樂片，定係一套套社會記實的紀錄片？

更多分享，請聽今集。

阿諾舒華辛力加給人的型像硬朗鐵血，不過其實佢都有鐵漢柔情嘅一面，好似由90年代嘅《真實謊言》 (True Lies)，到現在的《FUBAR》，佢都演繹咗一位剛中帶由嘅間諜，而且呢位鐵血戰士愈來愈貼地！

做特工都要面對「中佬危機」：《真實謊言》瞞住老婆拆核彈，《FUBAR》仲慘，退休阿爸要救女兼修補父女關係。原來英雄都會畀個女話「老土」！

睇住阿諾由《未來戰士》機械人變白鬚阿爸，同其他動作巨星一樣，隨住歲月流逝，當年嘅銀幕英雄，開始漸見老態，好多人係睇住佢哋演出成長，睇住佢慢慢變老，自己年紀亦漸大，呢種感覺，親切得嚟，又帶點唏噓。

今集同你笑住睇阿諾嘅家庭鬧劇，多謝收聽。

2023年上演嘅《孤注一擲》，絕對唔係普通犯罪片！ 導演申奧將東南亞「電騙工廠」嘅恐怖運作，血淋淋咁攤晒喺你面前，真實感強到令人心寒，仲帶啲獵奇成份！電影由張藝興、金晨、王傳君、王大陸領銜演出，演活在電騙下被害人與及害人嘅經歷，尤其王傳君做嗰個笑住虐待人嘅詐騙阿頭，真係恐怖過見鬼！

電影內有唔少話題，今集我哋就講下「豬仔」如何被人迫害，慢慢變成施害者，整個扭曲過程睇到人揪心。電騙集團用陰濕到極嘅手法 — 由洗腦、恐嚇到利誘 — 系統式咁摧毀人性、將人變成賺錢機器。而當一個固有秩序崩壞後，本來賴此為生嘅人，在頓失依靠下，會變得如何歇斯底里，那怕佢哋原本依靠的，是一個如何殘暴地吸飲人血嘅集團。帶出電騙集團嘅存在，是如何摧毀人性，以至破壞社會嘅運作。

即收聽今集！

電影作為娛樂產物，娛樂性是關鍵，不過隨著時代的改變，觀眾的要求也愈來愈高，單純的嘻嘻哈哈，已經很難滿足大家，電影除了娛樂性，又要有劇情，有劇情之餘，又要有深道，有深度得來，又唔好太過難明……

今集講的《唐探1900》，相信會滿足到不少朋友的需要，作為《唐人街探案》的前傳，今集演出陣容相當鼎盛，除了香港觀眾非常熟悉的發哥周潤發外，還有其他演員包括王寶強、劉昊然、張新成、岳雲鵬…等等一起擔綱演出。

電影本身的訊息量都幾多，故事背景在1900年的美國舊金山唐人街，由一宗凶殺案開始，牽扯到要取締當時的唐人街，再一路提到華工在當地的血淚史，幾條線的故事互相交集，劇情豐富。至於多有關對電影的分享，歡迎大家聽聽主持們的分享。

錄音版﹕

自2019年《哪吒魔童降世》公映後，由餃子編劇及執導的續集 《哪吒之魔童鬧海》 (簡稱哪吒2) 終於公映，2025年國內新春檔期上映後，票房一直爆升，現在香港終於輪到香港公映。

兩位主持睇完後分別讚好，髒神更加覺得電影有很多值得分享的地方﹕電影是一套喜劇，劇情上很多笑位充滿港式味道，畢竟餃子導演自稱戲精，受過很多港產片，尤其是星爺周星馳的影響，因此片內的笑位，總帶點周星馳的味道，相信香港觀眾看到後會充滿親切的感覺。

更於對電影其他分享，請收聽今集。

錄音版﹕

電影以殯儀業作為背景，以這個充滿神秘色彩，及點帶禁忌的傳統行業，去講一個傳統與現代，及家人間衝突的故事，整個設定已經非法吸引。

無疑，這套是好電影，整個劇情，以至結局的部份，都足夠撫慰到人心，看後有令人心頭一抒的感覺。然而，兩位主持覺得這套電影雖然值得一睇，但至於是否值得再睇三睇，甚至刷N 咁多次就有所保留，到底是兩人雞頭挑骨頭，還是另有睇法呢？

Part 1

Part 2

同場加映﹕殯儀業一文一武，文就行街，武就喃嘸，咁喃嘸除咗破地獄，重有咩要做呢？

你返工做咩？ 全職喃嘸師傅專訪