兩位主持人，他們在不同的時代出來社會工作，見到社會上對行規睇法的演變，有感而發，做了個小小的分享。

如果各位聽完節目後，有什麼感受，歡迎聯絡我們啊。

Part 1

Part 2

困境幾時都有，那怕由出世開始，直到離開人世的一刻，困境都無處不在，讀書交友工作愛情婚姻育兒創業退休到籌備棺材生地….全部事情，都可以令人陷入困境，而上述事情，無論任何年代或者人種，都會面對。可能有人覺得現代人困境特別多，諗深一層，會否係錯覺呢？ 在以前科技唔發達的時代，我哋接觸到的多數係身邊人，見到嘅都係佢哋的經歷。至於傳媒，不外報紙雜誌加電視，資訊接收量遠不及今日。加埋現在社交媒體異常發達，近乎緊貼我們生活每一步，大家一有咩事就update 自己狀況，好又講唔好又講，大家睇多咗，就產生咗錯覺，以為現在困境特別多。

所以話，社會變，生活型態變，人的思想也隨之改變，如何在變中保留自我，尤其是保持思維清晰，就非常重要。

講開困境，除咗個人問題或者遭遇外，好多時身邊人發生的事情，都可能令人陷入困境，例如屋企有人染病，需要照顧。那種情況令人非常無奈﹕明明並非自己行差踏錯或做錯決定，卻偏偏因為他人問題而令自己陷入困境，然而，有時人生就係咁。

雖然今集講困境，但就絕無負能量，反而想借此同大家打打氣，共勉之。

聽完今集後，如果共鳴或者異議，歡迎到時PM 我哋。

Part 1

Part 2

相關內容﹕

我都係想過簡單生活啫

咩係窮？ 窮人係咪真係無咩選擇？

行出街不時可以見到「低頭族」，佢哋可能在忙睇片或者打機，亦有一部份在覆訊息，的確，香港地搵食艱難，有時工作需要，分秒必爭下，有訊息係要盡快回覆。不不過有部份人覆訊息，其實只在忙於 group chat，而group chat 的內容，可能係可有可無的吹水內容，甚至隨時係自說自話，彼此間的根本「溝通」沒有交集。不過為咗在群內刷存在感，一定要覆得夠快，甚至語不驚人死不休。令到本來方便溝通的即時通訊應用程式，反過來支配了用家，時時刻刻都怕錯過短訊，唔㩒下個手機就唔安樂。做人到這種地步，又點會安樂呢？

香港地，生活指數之高，全球數一數二，好多人為三餐日做夜做，隨時連星期六日都要做，都咪話唔捱到金睛火眼，不過開講有話，鬼叫你窮，頂硬上。

然而咩叫窮呢？ 係咪單純無錢就叫窮呢？ 咁究竟無錢到咩地步先叫窮呢？ 畢竟人人生活條件同要求唔同，有人食慣嘆慣，偶然食一餐快餐店都想死﹔有人就慣咗餐餐粗茶淡飯，突然間有日可以去快餐店，食個鐵板豉油西餐，感覺開心過上天。因此每個人對窮的理解都唔同。

可能有人會覺得好灰，受生活壓力所逼，覺得自己好窮，又覺得做人無咩選擇。然而係咪窮人真係無得選擇呢？ 「窮」係恆數，還是變數呢？

講窮講有錢，講人生有得揀抑或無得揀的一集，你會揀聽定唔聽呢？

Part 1

Part 2

相關內容﹕

我都係想過簡單生活啫

想過簡單生活，近年好多人將呢句掛在口邊，其實要過簡單生活係好容易，只要對起居飲食無咩要求，住嘅食嘅用嘅求求其其，生活可以好簡單。然而，這真是大家接受到的「簡單」生活嗎？ 其實大家想過的，到底是簡單生活？ 還是看似簡單，實際是精緻的生活呢？ 如果是後者，這自然要付出一定代價，對此可能大家條氣又唔順，明明簡單生活，應該好平先係，點解要畀返咁上下錢先過到呢？ 好多好多矛盾，好多好多唔忿氣….結果未享受到簡單生活，先谷到一肚氣…..

唔駛勞氣，一齊傾下簡單生活啦。

Part 1

Part 2

相關內容﹕

咩係窮？ 窮人係咪真係無咩選擇？

講到學習，少不免提到背誦，有人反對背誦，尤其反對小朋友去背誦書本上的知識，認為太死板。的確，學習最重要是活學活用，然而在此之前，都有要相當基礎，這個基礎就是來自背誦。如果可以有個不用背誦但又可以把知識記入腦的方法就相當完美，只是有可能嗎？

簡簡單單的一集，有機會再跟大家傾下其他題目。

不時不食，好多人都知的道理，只不過在今日的社會，要做到似乎唔容易，畢竟資源豐富加上科技發達，基本上想食就食，不時不食的概念日漸消失，連帶資源的消耗也為之增加，要食好西，必定用多了資源在儲藏和運輸方面，這其實與環保的概念是相違背。只不過有些事物，試過就返唔到轉頭，大家慣了隨時食好西，一下子要大家過回從前的生活，在情理上講唔過去，人生在世，總有權選擇食好一點吧。

繼續講到食，好多人話食內臟話唔健康，但其實食內臟，又係環保的表現，一隻牛一隻豬，如果食到盡，包括內臟都食埋，又確實是減少浪費，只不過又有多少人會選擇食動物的內臟呢？

以前話人生七十古來稀，現在就人生七十好 easy，以前的人可能50幾60歲就走到生命盡頭，今日閒閒地都80幾歲先玩完。人生長咗，資源消耗多咗，從環保角度睇，的確係一個問題，亦是個解決不了的問題，或者當有一日可以研究到人原來單靠吸風飲露都可以生存的話，這個死結就能解開，但是有可能嗎？

短短地但又反思多多的一集，希望大家喜歡。

近年愈來愈多人講環保，同環保有關的話題，多到講不完，今期就從「食」去入手傾下，兩位主持認為煮得好食，其實已是環保的一種。而由「食」講起，不知何時開始，環保就扣上了健康飲食，到底兩者是否有必然關係呢？

講飲講食講環保的一集，希望大家喜歡。

Part 1

Part 2

近年愈來愈多人講慢活，不過又似乎很多人誤解了慢活，以為一味慢，就可以活出味道，其實所謂慢活，是一種享受當下一刻的態度，而不是形式上的慢，更著重的是心態。

要享受慢活，首先要令自己有閒下來的一刻，而要閒下來，有些事情就要快。

更多關於對慢活的看法，請留意今集。

(PS. 由今集開始，本欄會不定期講一些短節目，簡簡單單，希望大家可以很快聽完，有時間去享受生活。)

以前講到未來，很多人都會充滿憧憬，覺得未來是充滿希望與光明，只是不知從何時開始，大家愈來愈少談論未來，或者是對未來少了憧憬，到底是原因何在呢？

承上集結尾，繼續講講當下一刻，對某部份人而言已是未來的世代，生活型態的改變，無論在環保、人的壽命、甚至人與人間的距離，都好像跟想像中的未來有點不同…

你眼中的未來，又會是什麼樣子呢？

Part 1

Part 2

相關內容﹕

當下一刻 = 已是未來