正如兩位主持在節目內提到，今集不是討論移民的好壞，單純是按現象去做分享。移民是很個人的事情，只要個人喜歡，又應付到相關要求，要走要留，悉隨尊便。

在討論移民現象時，兩位主持嘗試從人的本質出發去講，人的本質，既有物理上，如一個腦、兩隻眼、兩隻手……等等。更重要是人性，世界點變，人性不變。如果從人性上的角度去看移民，或者可以看得更清楚移民是否適合自己。

更多節目內容，就留待大家慢慢收聽。

Part 1

Part 2

朋友阿強話睇完近幾期以置業為題的編者話後有啲意見，佢認為香港樓貴到痴線，已經唔係人買 (唔通買家唔係人…….其實係為人父母)。阿強又話﹕「香港社會問題多多，由上至政府施政失誤連連，下到社會氛圍怨氣連天，香港已經唔適合人住，就算有錢都唔應該買樓，用嚟移民到其他國家好過。佢重話，同樣揸住五百萬，香港最多買得果幾百尺樓，台灣可以買千幾二千尺，生活壓力又無咁大。留在香港，日日受折磨，返工做餐死都係得雞碎咁多人工。作為納稅人，福利無自己份，就益哂班新移民….」。佢一口氣講出諸多不滿，最後講咗句﹕「有得走我一定走」。

講到移民，可能大家第一時間諗到八十年代到九十年代初的移民潮，好多人移去加拿大。當時好多香港人擔心回歸後的社會狀況，都選擇咗移民。其實香港人同移民幾有緣，因為香港本身就係一個由移民組成的社會，早到抗日戰爭及國共內戰時，已經有大量國內的人為逃避戰火而走難到香港。到文化大革命時，又有大量難民由國內偷渡到香港定居，單係呢兩次移民潮已為香港帶來三百萬人，當而家香港有八百萬人，即係接近一半人係呢批移民的第二代甚至第三代，我就係其中一人，我阿爺阿公阿婆都係抗日時期走難到香港。

香港人邊到有錢搵到就去邊到安居樂業，其實移民與否無咩所謂，每個人有權選擇自己的生活方式，不過有部份香港人幾雙重標準，自己移民無問題，但好歧視新移民，電影<<富貴再逼人>>中驃叔兩公婆搭地鐵的一幕就好描寫到呢類人的心態，驃叔兩公婆移民加拿大後，返到香港坐地鐵時，遇到一車異地人，有中國人越南人菲律賓人，驃叔一臉不屑，覺得佢哋霸佔香港，同而家有人覺得新移民嚟香港搶飯碗搶福利，係蠶食香港的蝗蟲，係破壞香港的賤精的想法無分別。有呢種想法的人有無諗過，自己上兩代可能都係新移民？自己有咩本錢去歧視人？你話以前還以前，咁講返而家，我哋移民到彼邦，在外國人眼中我哋都係新移民，如果人哋歧視我哋，話我哋去到剝奪當地人資源又點？要知道好多香港人，尤其係早年移民那批，好多無一技之長，去到外國隨時「洗大餅」，外國人一樣可以認為這些「新移民」係同本土基層人士爭飯碗。

我無意為新移民講說話，只不過想請大家諗清楚移民的目的，無論咩年代或種族，移民只係想尋求一個更好的生活環境，我哋有權去他國尋找幸福，何解就嫌棄他人去香港生活？新移民有問題，我哋要做的係檢視移民政策，而唔係單單討伐新移民。好多人講到香港民不聊生，唔走唔得，唔該認真睇下新聞，幾多戰亂頻仍的國家，果啲地方就真係民不聊生。我就唔會移民，香港係我屋企，或者佢今日真係亂咗，亂咪執返好，無人會因為間屋亂而選擇搬屋啩。

各位朋友如果好似阿強咁有任何意見，歡迎隨時聯絡我，大家交流交流。

相關文章

急住買樓定買債

有樓有成就？

今集繼續與Sarine 暢談上集未完的部份，三位主持就香港的社會狀況、如何安排去旅行、移民…等等問題，各抒己見，由髒神這個口水佬打頭炮，分享了他80年代剛畢業時出來工作的情況，提出工作最大的得著，是跟不同的人「結緣」，這對之後的人生走向有很大影響。之後由Sarine及雞口接力，就住工作的話題，講出了他們對前景的迷惑。並再提到，人是否一定要有夢想呢？

有聽開本台的朋友，都知道節目的風氣非常自由開放，主持們都愛天南地北，什麼都聊，今集也不例外，在討論人該否一定有夢想時，三位也就講到對旅行、移民的看法。

一小時長的節目，沒有壓力，三代人輕輕鬆鬆地表達了他們的意見。有機會的話，也歡迎你上來跟我們傾傾。

Part 1

Part 2

今集是本欄首次邀請到女嘉賓，對一向陽盛陰衰的本台來說，實在是天大的一件事。

90後的Sarine，80後的雞口，60後的髒神，不同的出生背景，令他們對香港的印象都截然不同。例如Sarine 眼中香港是冷漠的，髒神卻感受過香港人情味濃的一面。今集就由已經消失了的汽車渡輪講起，細說香港多年來的變化。更重要是在這個變化的過程中，香港社會看似出了不少矛盾，尤其近年，社會矛盾愈發嚴重，到底真是good old days時好，還是矛盾一路都存在？

3位土生土長的香港人，訊說他們對香港最直接的看法。

11月20日，繼續今集未完的話題。

相關閱讀﹕ 何必尋夢 (2)