車仔麵不少人喜歡食，貪其配搭自由，粗麵幼麵油麵，甚至轉做河粉米粉又得，配料上選擇更加多，牛腩魚蛋豬紅蘿蔔金菇腸仔午餐肉豬扒雞翼支竹….去到花膠都可以。誇張點講，一百個人，可以配出一百款不同口味的車仔麵。

香港文化，其實同車仔麵差不多，既保留了傳統中國文化，特別是粵語文化﹔同時又揉合了外國文化，不管西方或東洋文化，來到香港，也可以落地生根，跟本地文化融合，發展成別具特色的「港味」文化。這種「港味」文化，除了迷倒不少外國人，同時也國內文化發展起了一定影響，今次專題，我們就請了一批朋友，請他們分享呢股「港味」的吸引力。

由今日起至7月31日，隔日就會刊登一組朋友的分享。無論你是土生土長的香港人，或是熱愛香港文化的外地朋友，今次的分享，相信一定有你感到共鳴的地方。

第一組「港味」食客的分享

第二組「港味」食客的分享

第三組「港味」食客的分享

第四組「港味」食客的分享

第五組「港味」食客的分享

第六組「港味」食客的分享

罵聲多過掌聲的第8季<<權力遊戲>>，兩位主持睇完後都覺得有不足，不過成套劇，係咪又真係咁不堪呢？一齊聽下兩位的講法。

「終於有番多啲戲可以揀」朋友阿傑嘆道。早前<<復仇者聯盟4>>上畫時，間間戲院差不多由朝播到晚，阿傑大呻無哂選擇。隨住<<復仇者聯盟4>> 熱潮佔退，鍾意入戲院睇戲嘅佢覺得一天光哂。其實有無<<復仇者聯盟4>>，戲院可供選擇的電影係唔多，再放大點睇，我哋的精神食糧好多時係被人篩選過、隔過渣。

打開各大戲院的網站，望落有唔少電影可以選擇，只係世上咁多電影，戲院內放映的只屬冰山一角，而且來源都幾狹窄，主要係荷里活的製作，夾雜部份中日韓電影，加埋港產片，很多產自其他地方的電影我哋都無法在戲院睇到，舉個例，<<關原之戰>>，一套2017年的電影，內容講述一場決定了日本歷史走向的戰爭，套戲我好想睇，可惜香港無上畫，反而台灣有。至於話來自俄羅斯丹麥巴西瑞典….甚至產自非洲的電影，香港的戲院唔多覺有。可能好多人覺得我打橫嚟講，香港有幾多人對上述地方的電影感興趣呢？我承認對此感興趣的人應該唔夠填滿海運戲院，但如果講到有絕對的選擇自由，係咪應該包羅萬有，而唔係只按市場標準去做篩選，揀過揀剩先畀我哋呢？

其實唔只電影，在香港，無論電視或雜誌，我們也沒什麼選擇自由，電視方面，只從永恒的亞視執笠後 (近年轉為網上電視)，一台獨大的情況愈趨嚴重，想播咩就播咩，每晚黃金時段就是劇集劇集劇集，唔係話劇集唔好，都唔駛星期一播到星期七。每套劇的套路又來來去去差不多。記得細時睇劇好多過癮題材，好似講中國古代刺客的<<大刺客>>、講個傻佬要搞馬場的<<馬場大亨>>，講奇幻的<<大頭綠衣鬥殭屍>>，今日睇返，呢啲劇集製作未必係上乘，重可能有啲粗糙，但起碼橋段過癮，唔似而家唔係爭產就爭仔爭女，睇到人心煩。

行去報攤，雜誌看似選擇唔少，不過細心留意，好多唔係講炒股投資，就係吃喝玩樂，或者以尖酸刻薄、極盡挖苦的手法去爆名人明星的私隱，唔睇雜誌名，本本差不多。想睇比較有深度的文史哲內容，本地雜誌係無咩選擇。

「以為自己有得揀，原來係啲賣剩橙」。其實唔駛咁灰，法國國民公會宣言講過﹕「自由不是想做什麼，就做什麼；自由是教你不想做什麼，就可以不做什麼。」戲院電視台雜誌社在製作或選取內容時有市場考量，始終營運要成本，總無可能同錢作對，專走偏鋒。只係作為觀眾，我哋有權say no，事實好多人都做到，睇下重有幾多人睇大台咪知囉。更重要係我哋可以去尋找和開拓新渠道，前文講到的<<關原之戰>>，最後我在影碟舖訂咗隻台灣版，安坐家中一樣睇得過癮。識得揀，世上還有很多選擇，無必要畫地為牢，限死自己。當然要學識點揀係另一門學問，有機會先同大家分享了。

集體回憶，未必只屬於某個城市的人，更可能是屬於某一代人

你在廣州，我在香港，扭開電視機，原來都是在看上海灘。扭開收音機，都在播林子祥………

集體回憶，未必只屬於某個城市的人，更可能是屬於某一代人，那怕是住在香港、廣州、或世界任何一角。正如香港人經常懷緬的80年代，那個年代豐盛的影視及音樂作品，除了令香港人回味不已外，其實也影響著其他城市的人，例如今集的各位嘉賓，也在80年代的影視及音樂作品薰陶下成長。雖然他們並不是生活在香港，但他們對香港影視文化有著深刻的認識，甚至可能比香港人知得更多呢。

Part 1

Part  2

Part 1

Part 2