茶餐廳，其中一個最能代表香港的事物，今時今日的茶餐廳，由粥飯麵飯，以至燒味麵包多士蛋撻奶茶咖啡鴛鴦檸茶….等等，近乎乜都有。然而本來的茶餐廳，又係咪真係想食乜，就有乜呢？
今日的香港，隨便走入一間茶餐廳，打開餐牌一睇，閒閒地都有十幾二十頁，甚至更多頁數都有，在餐牌內，可以搵到中式的粥粉麵飯，西式的扒餐多士奶茶咖啡，以至印度咖哩，日本拉麵。先不理味道是否正宗，能夠在一間食肆內，炮製出帶有不同地方特色的食品，單係這一點，已經不得不畀一個 like 。
只不過以前的茶餐廳，內容絕對及不上今般「豐富」，只提供一般水吧類的食品，例如湯通粉或意粉，多士，飲品只有奶茶咖啡鴛鴦檸茶。隨著歲月的變遷，茶餐廳逐漸與其他食肆融合，食品種類愈來愈多樣化，連帶營業時間也愈來愈長，因此在三更半夜的香港，仍然可以見到茶廳營業。
茶餐廳的變化，其實也一種香港精神的反映，做事充滿彈性，隨著環境改變，不斷吸納各種元素，經過融匯消化，誕生出有香港特色的產品，茶餐廳內的食品，看似有唔同口味，但其實一言以敝之，就是「港味」，一種只會在香港茶餐廳內先食到的味道，是全世界獨有，不能複製。
歡迎各位與主持們一齊跳入時間蟲洞，聽下講茶餐廳的變化。
Part 1
Part 2
相關話題
豉油西餐和碗仔翅 香港特有的折衷主義
